Аԥсрақәеи урҭ ирыдҳәалоу атрадициақәеи рзы арадио Sputnik Аԥсны аефир аҿы лгәаанагара лҳәеит адырраҭара "Коӷониаԥҳа лымҩаду" асас,  Аԥсуаҭҵааратә институт афольклор аҟәша аиҳабы Цира Габниаԥҳа.

Аԥсрақәеи урҭ ирыдҳәалоу атрадициақәеи рзы арадио Sputnik Аԥсны аефир аҿы лгәаанагара лҳәеит адырраҭара "Коӷониаԥҳа лымҩаду" асас,  арҵаҩы Лиудмила Ануаԥҳа. 

Хышықәса зхыҵуа, Сҭамԥыл ақалақь аԥсуа Дернеқь аҟны еиҿкаау аҿар ртеатр "Абысҭа" ашьақәгылашьеи, иарбан спектакльқәоу иқәдыргылахьоуи, актиорцәа ԥхьаҟатәи рыгәҭакқәеи ртәы еиҭалҳәеит атеатр асценарист-арежиссиор Шьибзаҳ Назлы.

Шықәсык аҩныҵҟа ажурнал аҟны икьыԥхьыз аҩымҭақәа иреиӷьхо премиала иалыркаауеит.  Аредколлегиаҿы хшыҩзышьҭра зырҭо алитературатә жанрқәа иреиуоуп: апоезиа, апроза, алитератураҭҵаара, акритика. Убри аангьы аиҳабыратә абиԥареи аиҵбыратәи хаз-хазы апремиақәа ранаршьоит.

Аԥсныи Адыгатәылеи зҽаԥсазтәыз артист, Аԥсуа ҳәынҭқарратә драматә театр актиор Кьасоу Ҳагба  арадио Sputnik аҟны ицәажәараҿы иазгәеиҭеит аҩнаҭа аҟынтәи ауаҩы дшыхәыҷу абызшәа аныимҵо, анаҩс мчыла ишьҭикаауа доуҳа амаӡам ҳәа.

Ауаҩы ицәажәараҿы, иажәаҳәа аиҿкаараҿы ицхыраагӡоу ажәарццакқәа дырзааҭгылоит Sputnik аколумнист Сусанна Ҭаниаԥҳа.

Гагреи Пицундеи аԥсыӡкра аганахьала ицәырҵыз азҵаарақәеи ауаа ирымоу агәынамӡареи атәы иалацәажәан Аԥсны Жәлар реиазараҿы аграртә политикеи, аекологиеи, аԥсабаратә мазареи рзы аилак аилатәараҿы ҳәа азгәеиҭеит уи аилак аханатәаҩы Асҭамыр Ҭарба.

Иахьатәи ҳаамҭазы ахәыҷы хатәы бызшәала ацәажәара даналаго иԥыло ауадаҩрақәа ртәы дазааҭгылоит Sputnik аколумнист Есма Ҭодуаԥҳа.