21:16 09 Ԥхынҷкәын 2019
Ишиашоу ицо аефир
  • USD63.72
  • EUR70.50

Аҟәатәи ашколқәа руак аҿы ахәыҷы аимҳәаҿкы ихьит

© Fotolia / Syda Productions
Аԥсны
Икьаҿу ахьарԥш аиура
79 0 0

Аҟәатәи абжьаратә школ №2 аҵаҩы уажәы ахәышәтәра дахысуеит.

АҞӘА, жәабран 12 – Sputnik, Бадри Есиава. Аҟәатәи абжьаратә школ №2 аҵаҩцәа руаӡәк аимҳәаҿкы идырбалеит ҳәа Sputnik иазеиҭалҳәеит ашкол адиректор Ирина Повирскир.

"Ииашаҵәҟьаны, ахәыҷы аҿкы чымазара имоуп, аха иара иҭагылазаашьа шәарҭара аҵам. Уажәы ахәышәтәра дахысуеит", - ҳәа лҳәоит Повирскир.

Лара иазгәалҭеит ашкол зегьы аҿы ари хҭыс заҵәыкны ишыҟоу, амедикцәа уи иадҳәаланы акарантин алагалара ахәҭаны ишырымԥхьаӡо.

Аԥсны ашәарҭадаратә маҵзура Аԥсныи Қырҭтәылеи рыбжьара аҳәаа ахысра ԥнакуеит ҩымз рыҩныҵҟа, ажьырныҳәа 10 асааҭ 20.00 инаркны.

Аҳәаа ахысра ԥкын агәыларатә ҳәынҭқарраҿы аҭыԥ змоу аимҳәачымазара аштамм H1N1 ахьрылаҵәаз иахырҟьаны.

Ирыдыркылаз аӡбра инақәыршәаны, Қырҭтәыла аҵакыраҟынтәи аҳәаанырцә атәылауаа Аԥсныҟа ралалареи Аԥсны атәылауаа Қырҭтәыла аҵакыра ралалареи ԥкын.

Жәабран 4,  2019 шықәса рзы Аҵара аминистр Адгәыр Какоба аҳәамҭа ҟаиҵеит аԥснытәи ашколқәа рҿы акарантин алагалара ҵаҵӷәы амам ҳәа.

Ихадоу атемақәа