Аԥснытәи аалыҵқәа Тверь ақалақь аҿы иӡырган

© Sputnik / Томас ТхайцукАԥснытәи аалыҵқәа Тверь ақалақь аҿы иӡырган
Аԥснытәи аалыҵқәа Тверь ақалақь аҿы иӡырган - Sputnik Аҧсны
Анапаҵаҩра
Ацәыргақәҵа "Особенности национальных вкусов" мҩаԥысуеит Тверь, ԥхынгәы 16 - 21 рзы.

АҞӘА, ԥхынгәы 17 – Sputnik, Сариа Кәарцхьиаԥҳа. Аԥснытәи аалыҵ ацәыргақәҵа "Особенности национальных вкусов" аҟны иӡырган. Абри атәы Sputnik иазеиҭеиҳәеит Урыстәыла иҟоу Аԥсны ахәаахәҭратә хаҭарнак Олег Барцыц.

Ацәыргақәҵа "Особенности национальных вкусов" мҩаԥысуеит Тверь, ԥхынгәы 16 - 21 рзы. Арахь инаган аԥсуа џьыка, еиуеиԥшым ашәырқашьқәа, арҵәы.

"Ацәыргақәҵаҿ аԥснытәи аалыҵ даара аинтерес рыманы иҟоуп. Уи аиҳаракгьы шьаҭас иамоу урыстәылатәи аилахәыра "Региональные ярмарки" ҳареи ҳусеицуроуп. Аамҭақәак раԥхьа ҳара иԥаҳкит ламысдарыла Аԥсны ахьӡ зхы иазырхәоз анаплакыҩцәа русура. Абри ашьҭахь ауп "Региональные ярмарки" аус ацаауа ҳаналага", - еиҭеиҳәоит Барцыц.

Барцыц иазгәеиҭеит макьаназ ишырацәам ацәыргақәҵақәа рахь инарго ахкқәа.

"Ахаҭабзиара ажәа шақәымгьы ахыԥхьаӡара маҷуп. Ҳара хымԥада уи агха ҳариашароуп. Атехнологиатә база иазҳарҳароуп. Афермертә нхамҩақәа еиҵыхтәуп", - иҳәеит иара.

Барцыц иазгәеиҭеит аԥснытәи аалыҵ иара убасгьы Тиумень, Иваново, Уфа имҩаԥысраны иҟоу арегионалтә цәыргақәҵақәа ишрылахәхо.

 

Ажәабжьқәа зегьы
0