13:25 21 Жьҭаара 2019
Ишиашоу ицо аефир
  • USD63.95
  • EUR71.13

Агәабзиарахьчара аминистрра алаҵа ҿыц аанахәеит

© Sputnik / Ramil Sitdikov
Аԥсны
Икьаҿу ахьарԥш аиура
13 0 0

Х-еилазаарак змоу аимҳәа хызҽуа алаҵа аагоуп Урыстәылантәи. Алаҵа аҟаҵара алшоит хәыда-ԥсада ареспублика аполиклиникақәа зегьы рыҟны.

АҞӘА, жьҭаара 2 – Sputnik. Аԥсны Аҳәынҭқарра агәабзиарахьчара аминистрра х-еилазаарак змоу алаҵа ҿыц 15 000 цыра аанахәеит ҳәа Sputnik иазеиҭалҳәеит ареспублика асанитартә ҳақьым хада Лиудмила Скорик.

"Алаҵа актәи апартиа ареспубликахь иааргахьеит. Уажәы иааргаз 1/3 ахәҭоуп. Агәабзиарахьчара аминистрра иалшо зегь ҟанаҵоит иахьынӡауа ала ауааԥсыра ирыладырҵәарц. Азыԥхьагәаҭаратә медицина - ари уаҵәтәи амедицина ауп", - лҳәеит лара.

Аимҳәа агәыԥқәа А, В хызҽуа х-еилазаарак змоу алаҵа аус адулан Урыстәыла, иҭрыжьуа иалагеит 2019 шықәса рзы. Адунеизегьтәи агәабзиарахьчаратә еиҿкаара ибзиоуп ҳәа ахәшьара анаҭеит.

Аԥсныҟа иара ааргеит иахәҭоу аҭагылазаашьа аманы, адокументқәа иацу зегьы анорма иақәшәо ишьақәыргыланы.

Скорик лажәақәа рыла, раԥхьа иргыланы алаҵа ҟарҵароуп абыргцәа, ахәыҷқәа, зиммунитет лаҟәу ауаа.

Алаҵа аҟаҵара алшоит хәыда-ԥсада ареспублика аполиклиникақәа зегьы рыҟны.

Иара убас шәаԥхьар ҟалоит:

Ихадоу атемақәа