Аԥснытәи ақәԥаҩцәа Польшатәи атурнир аҿы аиааира ргеит

© Foto / Государственный комитет РА по физической культуре и спортуРичи Сыҷынааи Даниил Харчлааи
Ричи Сыҷынааи Даниил Харчлааи - Sputnik Аҧсны
Анапаҵаҩра
Зых иақәиҭу ақәԥаразы Жәларбжьаратәи атурнир мҩаԥысит Польша, жьҭаара 4-6 рзы. Уи иалахәын аԥснытәи ақәԥаҩцәа.

АҞӘА, жьҭаара 7 – Sputnik, Бадраҟ Аҩӡба. Аԥснытәи ақәԥаҩцәа Ричи Сыҷынааи Даниил Харчлааи актәи аҭыԥқәа ааныркылеит Польша имҩаԥысуаз зых иақәиҭу ақәԥаразы Жәларбжьаратәи атурнир аҿы ҳәа Sputnik иазеиҭеиҳәеит аспортсменцәа разыҟаҵаҩ Игор Бераиа.

Ричи Сыҷынаа актәи аҭыԥ ааникылеит 60 килограмм зыкапан ыҟоу рыбжьара, Даниил Харчлаа - 65 килограмм зкапануа рыбжьара.

"Атурнир аҩаӡара ҳарак амоуп. Уаҟа аиааира агара ԥышәоуп. Аҷкәынцәа ақәԥара рнапы алакуп хәба-фба шықәса раахыс. Аҵыхәтәантәи аамҭақәа рзы Калининград аолимпиатә резерв ашкол аҿы аҽазыҟаҵарақәа ирхысуеит", - иҳәеит иара.

Даниил Харчлаа – ақәԥараз Урыстәыла еизгоу акоманда далахәуп, Ричи Сыҷынаагьы лассы акоманда далахәхараны дыҟоуп иҳәоит Игор Бераиа.

Польшатәи атурнир аспортсменцәа азыҟарҵон азыҟаҵаҩцәа Игор Бераиа, Размик Алабаиан, Ҳашба Мераб, Бешириши Манучар.

Атурнир иалахәын Латвиа, Литва, Польша, Естониа, Испаниа, Израиль, Финлиандиа, Канада, Украина, Урыстәыла, Венгриа, Чехиа, Белоруссиа, Словакиа рҟынтәи аспортсменцәа.

Иара убас шәаԥхьар ҟалоит:

Ажәабжьқәа зегьы
0