АҞӘА, ԥхынҷкәын 3 – Sputnik. 2020 шықәса рзы ConIFA аверсиала ашьапылампыл азы адунеи ачемпионат мҩаԥысраны иҟоуп Аҩадатәи Македониа аҳҭнықалақь Скопье аҿы ҳәа Sputnik Аԥсны адырра арҭеит ашьапылампыл азы Аԥсны Афедерациа апресс-маҵзураҿы.
Атурнир Сомалиленд амҩаԥгара азԥхьагәаҭан, аха аиҿкааҩцәа уи аҭыԥ рыԥсахит акомандақәа жәпакы афинанстә ҭагылазаашьа инамаданы уахь ацара ахьырцәыуадаҩхаз иахҟьаны.
2019 шықәса рзы ачемпионат мҩаԥган Ашьха Ҟарабах. Аԥснытәи акоманда ахԥатәи аҭыԥ ааннакылеит. Актәи аҭыԥ ргеит Алада Уаԥстәыла аспортсменцәа.
2016 шықәса рзы ConIFA ачемпионат Аԥсны ианымҩаԥысуаз аԥснытәи акоманда актәи аҭыԥ анашьахеит.
Ихьыԥшым ашьапылампылтә ассоциациақәа Рконфедерациа ConIFA, шьаҭаркын рашәара 7 2013 шықәса рзы. Иахьазы иара еиднакылоит 40 команда.
Иара убас шәаԥхьар ҟалоит:
-
Иааԥсаны, аха агәалаҟазаара рыманы: Аԥсныҟа ихынҳәит ҳшьапылампыласыҩцәа
