АҞӘА, жәабран 4 - Sputnik. ООН Аконвенциа 20-тәи ахәҭаҷ адкылара аԥшьгаҩцәа ҿҳәарадатәи амитинг мҩаԥыргоит Аԥсны Апарламент аҿаԥхьа.
Еизаз адҵа ҟарҵоит акоррупциа иаҿагыло азакәан хымԥада ирыдыркыларц.
Апарламент аҿаԥхьа еизеит 20-ҩык рҟынӡа. Урҭ рыдҵа анагӡара иазыԥшуеит.
"Ҳара ара ҳаҟазаауеит азакәан рыдыркылаанӡа. Азакәан аҳәынҭқарра аргыларазы ихымԥадатәиуп. Ҳачҳара хыжжит. Ҳаззыԥшузеи? Ҳхәыҷқәа рзы уаҵәтәи амш лашаны иаабом. Иахьынӡаҭаху абра ҳаҟазаауеит. Ари иуадаҩу мҩоуп аха иарада аҽамҩак ыҟам", - иҳәеит Sputnik акорреспондент дзыҿцәажәаз Џьансыхә Адлеиба.
Активистцәа ражәақәа рыла Апарламент ахаҭарнакцәеи дареи еиԥылеит аха макьаназы акы иазкылымсыцт.
Акоррупциа иаҿагыло ООН Аконвенциа амчра аиуит 2005 шықәса рзы. Иахьазы иара иадгылоит 186 тәыла.
Иара убас шәаԥхьар ҟалоит:
- Апарламент ачынуаа рмазара ахыҵхырҭақәа рырзаразы азакәан апроект аднакылеит
-
Аиустициа аминистрраҿы акоррупциа иаҿагыло аекспертизақәа мҩаԥгахалоит
