АҞӘА, хәажәкыра 26 – Sputnik. Аԥсны аиҳабыра иахәаԥшырц иазхиоуп Урыстәыла Амшын еиқәа аҿықәан иаԥнаҵо иаку атуристтә ҵакыра алалара азҵаара. Абри атәы агентра ТАСС иазеиҭеиҳәеит ҿыц иалху Аԥсны ахада Аслан Бжьаниа.
"Ари идеиа бзиоуп, аха иара анагӡаразы иӡбатәу иацааиуа азҵаарақәа рацәоуп. Уахь иаҵанакуеит аҳәынҭқарратә ҳәаа аусушьа, атранспорттә инфраструктура ахаҭабзиара аҳаракра, ауаа рцареи-раареи рыԥсшьареи маншәалазарц. Афымцамч азҵаара аҭышәныртәалара уҳәа убас ирацәаны", – иҳәеит Бжьаниа.
Иара иациҵеит, абарҭқәа зегьы Аԥсны аекономика аҿиара иацхраашт, убри аҟнытә ас еиԥш иҟоу алшара аҩыжьра иашахом ҳәа.
"Ари атема алацәажәара ҳазыҟаҵоуп. Ҳара ҳхы ҳазаанхоит, ҳаҭҵаарақәа имҩаԥаҳго рԥышәа ҳаманы, урыстәылатәи аган ари аидеиа анагӡараҿы ацхыраара ҳарымҭар. Аха сара агәра ганы сыҟоуп ишҳацхраауа, избан акәзар арахь ԥсшьара иаауа реиҳараҩӡак Урыстәыла ауааԥсыра роуп. Абри ҳпозициақәа еизааигәанатәуеит. Абас иҟоу атуристтә ԥышәеимдара аинтерес ҳамоуп ҳара", – иҳәеит Бжьаниа.
Убыржәтәи аамҭазы Урыстәыла иаку атуристтә ҭаӡара аԥҵара иаҿуп Амшын еиқәа аҿықәан – Ҟрым, Кубань аҵакырадгьылқәа рҟны. Арҭ арегионқәа рнапхгаҩцәа рымчқәа еибырҭарц рыӡбеит аԥсшьаҩцәа дара рҟәара радыԥхьаларазы, иаку ԥсшьарҭатә ҭаӡарак аҳасабала ирҿиауа. Иаҳхысыз ашықәсан аусура иалагеит "Боспортәи аҳра ахьы мацәаз" ҳәа хьӡыс изауз аԥсшьарҭатә маршрут, иара Ростовтәи аобласт, Краснодартәи атәылаҿацә, Ҟрым, Севастополь уҳәа иргәылсны ицоит.
Иара убас шәаԥхьар ҟалоит:
-
Бжьаниа Аԥсны анефт аҵхразы: ҳалшарақәа ҳхы иаҳархәароуп ауаа реизҳазыӷьаразы
-
Бжьаниа Урыстәыла аус ацура иазкны: априоритет змоу хырхарҭоуп
