АҞӘА, жьҭаара 20 - Sputnik, Сариа Кәарцхьиаԥҳа. Урыстәылатәи арратә госпиталь раԥхьатәи COVID-19 змоу апациентцәа аднакылеит ҳәа аҭыԥ аҟынтәи иаалыцҳауеит Sputnik акорреспондент.
Акоронавирус змоу апациентцәа агоспиталь ахь инаган ацхыраара ласы амашьынала. Урыстәыла атәылахьчара аминистрра амобилтә госпиталь, иаҭаххар, 150-ҩык рҟынӡа акоронавирус змоу апациентцәа аднакылар алшоит.
Жьҭаара 20 рзы иазԥхьагәаҭоуп хәҩык ачымазцәа уахь рнагара: хҩык Аҟәантәи, аӡәаӡәа Гәдоуҭеи Гагреи рҟынтәи.
COVID змоу раԥхьа адкыларатә ҟәшахьы инаргоит, уа ршьа аҵәыҵәри шаҟа алоу гәарҭоит. Уи ашьҭахь рыцԥхьаӡа рхатә медицинатә шәҟәқәа рзеиқәдыршәоит, ргәабзиара аҭагылазаашьа иаҿырԥшны агоспитальтә ҟәша ма ареанимациатә ҟәшахьы инаргоит.
Ачымазцәа шьҭаҵахоит асасааирҭа "Аиҭар" ахԥатәи акорпус аномерқәа рҿы, амшьамбаҭарчқәа рҿы адкыларҭатә пункт, алабораториа, арентген-кабинет ҟалоит.
Амобилтә госпиталь аҿы ишьақәыргылаоуп арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.
Иара убас шәаԥхьар ҟалоит:
-
Ацхыраара ааит: урыстәылатәи амобилтә госпиталь Аԥсны ишышьақәдыргылаз
-
Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит
