16:25 23 Ажьырныҳәа 2021
Ишиашоу ицо аефир
  • USD74.36
  • EUR90.41
Аԥсны
Икьаҿу ахьарԥш аиура
11 0 0

Атуристцәа аԥсшьарҭа ҭыԥқәа ҳәа иалырхуан ачыс хаа, ирԥхоу аӡҭачы, аныҳәатә программа, аекскурсиатә маҵзурақәа роур ахьалшоз асасааирҭақәа.

АҞӘА, ажьырныҳәа 12– Sputnik. Аԥсны иаҭааз атуристцәа реиҳараҩык Аҟәа ԥсшьарҭаҭыԥс иалырхит ҳәа аанацҳауеит Атуризм аминистрра апресс-маҵзура.

Аҟәа ақалақь аҿы аномертә фонд 80% иҭәын.

"Аныҳәамшқәа раан атуристцәа аԥсшьарҭа ҭыԥқәа ҳәа иалырхуан ачыс хаа, ирԥхоу аӡҭачы, аныҳәатә программа, аекскурсиатә маҵзурақәа роур ахьалшоз, иара убасгьы ақалақь агәы иахьазааигәаз аотельқәа", - азгәаҭоуп адырраҭараҿы.

Гәдоуҭа араион, хаҭала Афон Ҿыц аԥсшьарҭатә обиектқәа ҭәын 70%.

Аныҳәамшқәа раан Афонтәи аҳаԥы иаҭааит 10 737-ҩык, ииасыз ашықәс азы –  5 568-ҩык. Аԥаратә лагалагьы 5 миллионки 368 нызқьи 500 мааҭи 2 миллионки 784 нызқьмааҭи ҳәа еиҿырԥшуп.

Гагра араион аҿы аобиектқәа рыҭәра 65% инаӡеит.

Риҵатәи апарк иаҭааит 18,161-ҩык, амаҵзурақәа рыхәԥса иартәеит 6 миллионки 054 нызқьи 100 мааҭ.

"2020 шықәса рзы апарк иаҭааит абри аамҭазы 9,269-ҩык, ахашәала иартәеит 3 миллионки 062 нызқьи 150 мааҭ", - азгәарҭоит аусбарҭаҿы.

Уи адагьы арҭ амшқәа рзы аҭааҩцәа рацәан: Кындыӷтәи аӡыԥхарра, Кәыдрытәи аиҩхаа, Черниговка, Аҟармара, Тҟәарчалтәи аӡхыҽҽақәа.

Ихадоу атемақәа