Беслан Ҳагба

Ҳагба Беслан Алықьса-иԥа, аполитикатә ҭҵаарадыррақәа ркандидат, адоцент. Диит ажьырныҳәа 3 1961 шықәсазы, Аҷандара ақыҭан. 1978 шықәсазы далгеит Аҷандаратәи абжьаратә школ. 1979 - 1981- тәи ашықәсқәа раан – Аҷандара ақыҭа анхаҩы. 1981 шықәсазы дҭалеит Аԥснытәи аҳәынҭқарратә университет, аекономикатә факультет, далгеит 1986 шықәсазы. 1987 -1989 шықәсқәа раан аус иуан абжьгаҩыс Гәдоуҭа араион апартиатә комитет аҟны. 1989 шықәсазы дҭалеит Бақәатәи аполитологиатә институт, далгеит 1991 шықәсазы. 1992-1996 ашықәсқәа рзы аҵара иҵон ақалақь Москва, Урыстәыла апрезидент иитәу аҳәынҭқарратә маҵзура урыстәылатәи академиа аспирантура аҟны, далгеит 1996 шықәсазы. 1997-2014 шықәсқәа рзы аус иуан ақалақь Москва, Урыстәыла апрезидент иитәу аҳәынҭқарратә маҵзура урыстәылатәи академиа арҵаҩыс. 2016 шықәса инаркны иахьанӡа – Аԥснытәи аҳәынҭқарратә университет, аполитологиеи асоциологиеи ркафедра арҵаҩы.