Аекономика

Аҩныҵҟатә туризм знапы алаку рныхрақәа ахәҭакахь ала ирзырхынҳәхоит кешбек ҳасабла.

Амилаҭтә ԥарашәаратә система "АԤРА" рымаҵ ауеит жәларбжьаратәи аԥарашәаратә системақәа рбанк хсаалагақәеи аԥарахсаалага "Мири".

Аԥсны Аҵәахбанк ауааԥсыра акредитқәа рзоужьра ааннакылеит ԥхынгәы 1, 2019 шықәса инаркны аԥарақәа разымхара инамаданы, нас хәажәкырамза инаркны еиҭахацнаркхьан, аха уажәшьҭа ҩаԥхьа иааннакылеит.

Аҳәынҭеилакы "Аԥсныбылтәы" иақәу 40 миллион иҟоу акредит ахарҭәааразы атәанчаҩцәа рыԥхьаӡамҭақәа рҟынтәи аԥара ахырхуеит ҳәа ацәажәарақәа аҭыԥ рыман асоциалтә ҳақәа рҿы аԥхынра алагамҭаз.

Урыстәыла Аҵәахырҭатә банк абанкоматқәа рыла аиагарақәа рзы аԥарахсаалага зтәу процентк ахишәаалароуп.

Аслан Бжьаниа акоронавирустә инфекциа алаҵәоит ҳәа ашәарҭара аныҟоу аамҭазы анаплакратә усура асубиектқәа рыцхрааразы аусмҩаԥгатәқәа ирзырхоу адҵа инапы аҵаиҩит ахаша, рашәара 17 рзы.

Аԥсны Афинансқәа рминистр Владимир Делба Аԥсуа телехәаԥшраҿы имҩаԥигеит апресс-конференциа.

Ауааԥсыра акоронавирус рацәыхьчаразы акоординациатә штаб рашәара 11 рзтәи аилатәараан ирылацәажәан атәылаҿ иалагалоу аԥкырақәа рырԥсыҽра алшара.

Аилацәажәара иалахәын аԥыза-министр актәи ихаҭыԥуаҩ Беслан Џьопуа, аԥыза-министр ихаҭыԥуаҩ, афинансқәа рминистр Владимир Делба, аԥыза-министр ихаҭыԥуаҩ, аекономика аминистр Кристина Озган, ашәахтәқәеи аизгақәеи рминистр Даур Кәырмазиа.

Аԥсны атәанчахәқәеи асоциалтә шәарақәеи роура аграфик инақәыршәаны, аԥарақәа абанктә хсаалахь инеиуа иалагоит амза 18 инаркны.

Аԥыза-министр ихаҭыԥуаҩ, аекономика аминистр Кристина Озган Гәдоуҭа араион ахадара злахәыз аилатәара мҩаԥылгеит, дареи Гагра араион ахадареи лыманы Аҟәа ацрыҵқәа ррыцқьарҭа ахьыҟоу Алада Ешыра ақыҭа даҭааит.

Аԥсны аӡбаҩцәа рхеилак АИХқәа рҿы акьыԥхьразы инарышьҭит аӡбаҩцәеи урҭ рҭаацәарақәа рхаҭарнакцәеи рхашәалеи рмазареи рзы адыррақәа 2019 шықәса ԥхынҷкәын 31 рызтәи арыцхә ала.

Хәымз рыла абиуџьет ахь иаланагалаз аԥарақәеи аплан ала иарбаз аԥарақәеи 52 миллион 460 нызқь мааҭ рыла ишеивыгоугьы, 2019 шықәсазтәи арбагақәа рыҩаӡара аҟынӡа иҟоуп.

Аԥсны аиҳабыра иалыркааит еиҳа аԥыжәара зҭатәу абиуџьеттә ныхрақәа рхырхарҭа ареспубликатә биуџьет аҭышәныртәаларазы.

Адокумент иазԥхьагәанаҭоит Аԥсни Аахыҵ Уаԥстәылеи рҿаԥхьа уаанӡа напы зҵаҩыз аиҩызареи астратегиатә партниорреи рзы аиқәшаҳаҭрақәа рҳәаақәа ирҭагӡаны ареспубликақәа рсоциал-економикатә ҿиаразы Урыстәыла ахыдҵақәа рынагӡара.

Мшаԥы 24 рзы Аԥсны Аиҳабыра ԥхьатәара ицеит. Аԥсны ахада ҿыц Аслан Бжьаниа хымз рыҩнуҵҟа Аминистрцәа реилазаара ҿыц еиҿикаароуп.

Аԥсны аиҳабыра мшаԥы 20 инаркны аџьармыкьақәа раартра азин ҟарҵеит. Аџьармыкьақәа мчыбжьык аҩныҵҟа хымш аус рулоит.

Мшаԥы 9 рзы жәа-сааҭк иназынаԥшуа ОПЕК+ алахәыла-тәылақәа аилацәажәара шымҩаԥыргазгьы, макьаназы ари ауснагӡатә алҵшәақәа цқьа еилкаамкәа иҟоуп.

ОПЕК+ атәылақәа мшаԥы 9 рзы анефҭ аҵхразы аиқәшаҳаҭра ҿыц иалацәажәеит . Аилацәажәара жәа-сааҭк инарзынаԥшуа имҩаԥысуан.

Хәажәкыра 28 раахыс ареспубликаҿы иалагалоуп аҭагылазаашьа ҷыда арежим акоронавирус алаҵәара ашәарҭара ахьыҟоу азы.