Ажәабжьқәа

2014 шықәса лаҵара 11 рзы Донецктәи жәлар рреспублика имҩаԥнагеит ахалаҟазааразы ареферендум. Адырҩаҽны, лаҵара 12 рзы, ареферендум алҵшәақәа рылаҳәара ашьҭахь, ДЖәР аиҳабыра ареспублика асуверенитет рыларҳәеит.

Гәдоуҭа араион Аҿари аспорти рызҵаарақәа рзы аилак ахантәаҩы Џьарназ Бениа арадио Sputnik аефир аҟны еихишьаалеит Аџьынџьтәылатә еибашьра Ду аҟны игаз Аиааира аҳаҭыр азы Дәрыԥшь ҩымш имҩаԥысуаз аҽыбӷаҟазацәа реиндаҭларақәа.

Аинвестициатә проектқәа рышәҟәынҵа хықәкы хадас иамоуп аинвесторцәеи хаҭалатәи аҳәынҭқарратәи ахатәрақәа змоуи рыбжьара аусеицура армариара.

Акциа "Аҵх амузеи аҟны" раԥхьаӡа акәны Аԥсны имҩаԥысит 2015 шықәсазы.

Урыстәылатәи ажурналист Сергеи Доренко 59 шықәса шихыҵуаз иԥсҭазаара далҵит. Анышә дамардоит Троекуртәи аԥсыжырҭаҿы.

Ажурналист Екатерина Бебиаԥҳа арадио Sputnik Аԥсны аефир аҟны еиҭалҳәеит Аиааира Ду амш аламҭалазы Аџьынџьтәылатә еибашьра Ду аҟны хабарда ибжьаӡны иҟаз ланду иашьа илахьынҵахаз шеилкаахаз.

Ачемпионцәа рлига афинал аҿы еиԥылараны иҟоуп "Тоттенхеми" "Ливерпульи", Европа Алига афинал аҿы - "Арсенали" "Челсии".

ЕАА, Китаинтәи атәыла иаларгало атауар абаџь 10% рҟынтәи 25 % рҟынӡа иханагалеит.

Есышықәсатәи Аџьынџьтәылатә еибашьра Ду аан игаз Аиааира амш иазку аҽырхәмаррақәа мҩаԥысит Дәрыԥшь, лаҵара 8-9 рзы.

Аҵыхәтәантәи адыррақәа рыла, Доренко амотоцикл дақәтәаны амҩа данын, ихы бааԥсны ибо даналага. Абри иахҟьаноуп иара амҩатә машәыр дзақәшәаз.