09:14 04 Ԥхынгәы 2020
Ишиашоу ицо аефир
  • USD70.50
  • EUR79.22
Афотосахьақәа

Ашьха иаԥну: Кәыдрытәи аҩхааҿы инхо ауааԥсыра рыԥсҭазаашьа

Икьаҿу ахьарԥш аиура
57 0 0
© Sputnik / Томас Тхайцук
Ажаратәи ақыҭа анапхгарахь иаҵанакуеит 18 ҳаблеи ақыҭа Ажареи. Ақыҭсовет ари ақыҭаҿоуп иахьыҟоу. Аҟәантәи Ажара агәанынӡа хәсааҭк инеиҳаны амҩа уқәхоит.

Ажара – Аԥсны еиҳа инахараны ишьҭоу қыҭоуп. Уи Кәыдрытәи аҩхаахь иаҵанакуеит, Аҟәантәи уаанӡа 84 километра бжьоуп.

Ажара инхоит 100-ҩык ауааԥсыра, уаанӡа иқәынхоз зегьы 2008 шықәса рзы рыҩнқәа ааныжьны ицеит. Аҭыԥантәи ауааԥсыра арахәааӡареи ашьхымзааӡареи рнапы алакуп. Аҿар ракәзар, урҭ рахьтә ара иаанхаз шамахамзар иуԥылом.

Ажаранӡа унеиаанӡа хәсааҭк инарзынаԥшуа амҩа бааԥсқәа урнысроуп. Ақыҭахь узго амҩақәа зегь ԥҽуп ахаҳәлеира, адгьылҳәазара, иара убас арратә техникеи амашьына дуқәеи ахьықәсуа иахҟьаны.

Ажаратәи ақыҭа анапхгарахь иаҵанакуа аҳаблақәеи атәыла егьырҭ араионқәеи еиманадоит атоннель. Уи ргылан 1964 шықәсазы. Хышықәса ҵуеит иара ахьеиҟәшьшьаз иахҟьаны аҭагылазаашьа уашәшәырахеижьҭеи. Есыҽны уи аиҟәшьшьара аура иацлоит. Уажәы 54 метра инаӡоит. Атоннель аремонт аҟаҵаразы, аекспертцәа иҟарҵаз ахәшьарала, иаҭахуп 240 миллион мааҭ.

Ажара унаӡаанӡа аҳабла Чхалҭа ыҟоуп. Ара Михаил Саакашвили инапхгара аамҭазы иргылан аҳабла ахадара ахыбрақәа, ашкол, ахәыҷбаҳча, аполициа ахыбрагьы ыҟан. Урҭ зегьы рбган Кәыдрытәи аҩхаа ақырҭуа ар аҟынтәи аҭарцәраан имҩаԥгаз аоперациа аан. Усҟан ара инхоз ауааԥсыра реиҳарак рҭыԥ иахыҵны ицеит.

Ажара агәаны ақыҭатә хәышәтәырҭа гылоуп. Уи иаҭаху амыругақәа рыла еибыҭоуп, раԥхьатәи ацхыраара аҟаҵаразы иаҭаху ахәшәқәа рыла еиқәыршәоуп. Аха ара аус зуа медиаҳәшьа заҵәык лоуп. Ачымазцәа рахь днеиразы инамҩатәны дызго амашьынақәа рыла ацара лықәшәалоит, избанзар иҟам ацхыраара ласы амашьына.

Ажара Аԥсны иахәҭакны иҟоуижьҭеи уажәшьҭа 12 шықәса шҵуагьы, уи ауааԥсыра уажәыгьы аԥсуа тәылауаҩшәҟәқәа рымам. Ақалақь ахь иааразы Аҳәынҭқарратә шәарҭадаратә маҵзураҟны иоузышьҭуа ашәҟәқәа ылырхлароуп.

Иҵегь афотосахьақәа

  • Аҵыхәтәантәи арҿыцра: 19:35 29.06.2020
    19:35 29.06.2020

    Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

    Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

    16
    9
  • Аҵыхәтәантәи арҿыцра: 16:01 26.06.2020
    16:01 26.06.2020

    Аҟармаратәи аӡхыҽҽақәа: ашахтиортә ҳабла аԥшӡара

    Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

    20
    15
  • Аҵыхәтәантәи арҿыцра: 14:22 24.06.2020
    14:22 24.06.2020

    Аиааира Ду аҳаҭыраз: Ашҭа ҟаԥшь аҿы апарад шымҩаԥысыз

    Ашҭа ҟаԥшь аҿы, Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз имҩаԥгаз апарад хыркәшоуп. Аныҳәаҟынтә иреиӷьу аҭыхымҭақәа Sputnik афотонҵамҭаҟны.

    15
    27
  • Аҵыхәтәантәи арҿыцра: 12:22 24.06.2020
    12:22 24.06.2020

    Илегендахаз: 1945 шықәсазтәи раԥхьатәи Аиааира Апарад

    75 шықәса раԥхьа Москва, Ашҭа Ҟаԥшь аҟны имҩаԥысит раԥхьатәи апарад, уи адунеи аҟны зегь реиҳа зымҽхак духаз, ауаа ргәалашәараҿы иаанхаз акәхеит. Иара Аџьынџьтәылатә еибашьра Ду аҿы СССР афашисттә Германиа иахьаиааиз иазкын. Аҭоурыхтә кадрақәа - Sputnik афотонҵамҭаҿы.

    20
    19

Ихадоу атемақәа