Астолтә ԥкьаҭмпыл азы афедерациа ахада Беслан Қарчаа арадио Sputnik аҟны иҳәеит Омар Кәарҷиа игәалашәара иазкны Аҟәа имҩаԥысыз Жәларбжьаратәи атурнир ҽааны еиҳа амҽхак ырҭбааны амҩаԥгара ахәҭаны ишиԥхьаӡо.

Аԥсны Аџьынџьтәылатә еибашьра зыҷкәынцәа алахәыз Роза Гогьиа Sputnik акорреспондент данлыҿцәажәоз изеиҭалҳәеит лхәыҷқәа рҭоурых.

Хабарда ибжьаӡыз Жәларбжьаратәи рымш азы Аҟәа иргәаладыршәеит Аԥсны Аџьынџьтәылатә еибашьраан ибжьаӡыз аибашьцәеи иҭахаз афырхацәеи. Иахьа уажәраанӡа хабарда ижьаӡыз ҳәа иԥхьаӡоу Алхас Гәылариа иаҳәшьа Рафида арадио Sputnik аефир аҿы илҳәеит лашьа иӡбахә аҟамзаара иахәыҽны ишамоу.

Нанҳәа 30 рзы лыԥсы ҭазҭгьы 60 шықәса лхыҵуазаарын атлетика лас азы аԥсуа спортсменка, аҵәы аршәразы 1980 ашықәсазтәи аолимпида араӡны амедал иаԥсахаз, ҩынтә Асовет Еидгыла иачемпионхахьаз Саида Гәынба. Еицырдыруа аԥсуа спортсмен арадио Sputnik Аԥсны аефир аҿы дылгәалалыршәоит Абаҩрҵәыреи аспорти рзы аҳәынҭқарратә еилакы Аспорт аҟәша аиҳабы Жанна Занҭариаԥҳа.