Аҟәысба: Ҭырқәтәыла змилаҭтә хдырра зхашҭуа иалагаз реидкылара ҳуалуп
"Зегь реиҳа идуны ҳәа ҳзышьҭоу хықәкны иалыскаауеит аԥсуаа реидкылара. 60 нызқь километра еиҳауп Ҭырқәтәыла ҳахьныҟәаз. Хыбрак аҵаҟа рыҟаҵара абри ус хаданы, ус хықәкны иҳадыҳкылеит. Абри аҩышықәсагьы ари аус Ҭырқәтәыла ибжьаӡыз, змилаҭ хдырра зхашҭуа иалагаз, аха ишаԥсыуаау еилкааны, даԥсыуоума, дашьхарыуоума, неилых ҟамҵакәа Ҭырқәтәыла иахьабалак ҳнаӡеит. Урҭ еидызкалаша ахыбрақәа реиҿкаара ҳаҿуп, рыԥсадгьыл азы аинформациа рыҭара ҳазыхиоуп. Убри иалакны рыԥсадгьыл ахь рырхынҳәра, рыԥсадгьыли дареи ацҳақәа рыбжьаҵара, реимадара арҭбаара, рдырра ацҵара ҳаҿуп, рабдуцәа рыԥсадгьыл агәыбылра дыркыра иаҳуалуп", - ҳәа азгәеиҭеит Аҟәысба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
