Аԥсны зҽаԥсазтәыз артист, актиор, асценарист, ақәыргылаҩ, аиҭагаҩ, Ахьӡ-аԥша аорден ахԥатәи аҩаӡара занашьоу Роман Сабуа иахьа 65 шықәса ихыҵит. Аиубилиар иирамш аҽны арадио Sputnik ахь дааԥхьан.

Урыстәыла аҳәаанырцә тәылауаҩшәҟәы аиуразы адокументқәа Тҟәарчал иалоуҵар шалдыршаз арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит Тҟәарчал араион ахада Исидор Дочиа.

Аԥсуаа рҟны аԥҳәыс иаанылкылоз аҭыԥ, уи лхаҿала иаарԥшу анцәахәқәеи, аҳәса иаадырԥшуа хә-ҟазшьак рыла ишырзырҳәози ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.

Аҟәатәи афизика-техникатә институт аҟны 50 шықәса инареиҳаны аус зухьоу анџьныр Александр Чамагәуа арадио Sputnik аефир аҟны еиҭеиҳәеит аинстиут аиҿкаара аҭоурых, Аԥсны уи аҟалара зыхҟьаз ҳәа игәы иаанаго, иадҳәалоу алегендақәеи иахьатәи аԥсҭазаашьеи ртәы.