00:23 27 Цәыббра 2020
Ишиашоу ицо аефир
  • USD76.82
  • EUR89.66

Аншба онлаин аҵаразы: асистема ашьаҭа ашьақәыргылара кыраамҭа ҳцәагеит, аха иазырхиоуп

Арадио
Икьаҿу ахьарԥш аиура
27 0 0

Аҵарадырразы жәларбжьаратәи ахәыҷтәы фонд аспециалист Рустам Аншба арадио Sputnik аефир аҿы еиҭеиҳәеит, хҭәыла ашколқәа рҟны онлаин аҵаратә система алагаларазы иҟоу алшарақәа ртәы, насгьы уи аус анынагӡахо.

Аншба онлаин аҵаразы: асистема ашьҭа ашьақәыргылара кыраамҭа ҳцәагьеит, аха иазырхиоуп

"Ԥшьымз аус адааулоит аинтернет ҳасабла аҵараҵара аус ашкол анаркха инаркны. Акыр аамҭа ҳцәагеит асистема мацара ашьақәыргылара, иахьазы иара алхуп. Уи жәларбжьаратәи системаны иҟоуп, ҷыдала аҵаратә системазы ишьақәыргылоуп, иара Аԥсны аҵаратә система иадҳәалахарцаз аус адааулеит. Ашколқәа рышә анаркха, ари асистема аус ауртә еиԥш иҟалоит. Актәи аетап ала арҵаҩцәа, аҭаацәа, ахәыҷқәа зегьы асистемахь анеиразы алшара роуеит, доусы иинформациа уахь ианиҵоит, классцыԥхьаӡа, маҭәарла еихшаны, нас арҵаҩцәеи ахәыҷқәеи авиртуалтә класс ахь иақәшәоит. Аха уи ус имариахом, зегьы ашьцылаанӡа акыраамҭа аҭаххоит. Ҳгәы иҭоуп арҵаҩцәа уи азы ацхыраара рыҭара. Аха иҳәатәуп, ари зегьы шаамҭалатәи усу, ас еиԥш аҭагылазаашьа аԥҵахоит ашколқәа ахьынӡарку, нас еиҭа алшара аныҟалалак, зегьы ииагахоит итрадициатәу аҵаратә системахь", - ҳәа еиҭеиҳәеит Аншба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа