Уажәшьҭа ҩымз инареиҳаны иҵуеит акоронавирус алаҵәара ашәарҭара ахьыҟоу азы Аԥсны аԥкрақәа алагалоуижьҭеи.
Атәылауаа хәыҷы-хәыҷла аҽыԥхьакра арежим иҵыҵуа иалагеит, аха уеизгьы макьана атеатрқәа рахь изҵом, аконцертқәа изырҭаауам.
Атәылаҿы ауаа рацәа реизгара ҟалом, ачараура ҟалом, аха акаҳуажәырҭақәеи аҽырԥшӡарҭақәеи аартуп.
Аԥсны аиҳабыра аԥкрақәа рашәара 15 рҟынӡа ирнахеит.
Аԥсны апандемиа аамҭазы иаԥсҭазаашьоу атәы шәахәаԥшыр шәылшоит Sputnik авидеонҵамҭаҟны.
Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.
Ԥхынгәы 7, асааҭ 11:00 рзы Sputnik Аԥсны амультимедиатә пресс-центр аҿы имҩаԥгахоит апресс-конференциа аԥсуа журналистка Саида Жьиԥҳа лышәҟәы "Амра ашәахәақәа" аӡыргара иазкны. Ашәҟәы рызкуп Ҭырқәтәыла инхо аԥсуа-абаза жәлар иналукааша рхаҭарнакцәа.
Урыстәыла ииасыз уахыки-ҽнаки рыла 6 000 инареиҳаны коронавирус хҭыс аҭыԥ аман, зынӡа пандемиа аамҭазы – 660 000-ҩык.
