АҞӘА, цәыббра 1 —Sputnik. Ильхам Алиеви Владимир Путини реиԥылара мҩаԥысит шәачатәи арезиденциа "Бочаров ручей" аҿы ҳәа аанацҳауеит РИА Новости. Аиԥылараҿы еиҳа излацәажәо темахоит аерман-азербаиџьан еимак азҵаара.
"Ҳәарада ҳалацәажәараны ҳаҟоуп Ашьха Ҟарабахтәи апроблема аӡбра, арегионалтә проблематика. Ҳазлацәажәаша акыр ирацәоуп", — иҳәеит Алиев.
Азербаиџьан Ахада иара убасгьы азхьаԥшра аиҭеит атәәылақәа рекономика аҿиара хра аманы ишибо.
"Ҳара аекономикаа усхк аҟны ҳаимадара агәахәара ҳнаҭоит. Ҳаизыҟазаашьақәа аҿиара бзиа рымоуп. ԥхьаҟагьы уи аганахь ала аԥеиԥш бзиақәа шҳамоу ихымԥадатәиу акоуп", — иҳәеит иара.
Ильхам Алиеви Владимир Путини реиԥылара мҩаԥысит шәачатәи арезиденциа "Бочаров ручей" аҿы. Аиԥылараҿы еиҳа излацәажәо темахоит аерман-азербаиџьан еимак азҵаара.
