10:58 16 Жьҭаара 2019
Ишиашоу ицо аефир
  • USD64.25
  • EUR70.85

Меркель: "Северный поток-2" Еврокомиссиа иазаанкылом

© Sputnik / Алексей Витвицкий
Адунеиаҿы
Икьаҿу ахьарԥш аиура
24 0 0

Уаанӡа Европарламент Евроеидгылеи Урыстәылеи рполитикатә еизыҟазаашьақәа рзы арезолиуциа аднакылахьан, апроект "Северный поток-2" аанкыларазы ажәадгала ҟаҵо.

АҞӘА, лаҵара 16– Sputnik. Германиа Аканцлер Ангела Меркель аҳәамҭа ҟалҵеит Еврокомиссиа агазмҩангага "Северный поток-2" ашьҭаҵара азԥырҟәҟәаауам ҳәа. Абри атәы аанацҳаит РИА Новости агазеҭ Handelsblatt адыррақәа ҵаҵӷәыс иганы.

"Апроект шьақәырӷәӷәоуп. "Северный поток-2" Еврокомиссиа иазаанкылом", - ҳәа лҳәеит Меркель.

"Северный поток-2" ашьҭаҵаразы Меркель проблеманы дызхәаԥшуа Украина ауп. Лара лгәаанагарала Украина агазмҩангага цәаҳәа ҿыц ахархәарахь ишрыҭахогьы уаанӡатәи ацәаҳәала газмҩангага тәыланы ишыҟаз иаанхароуп.

Апроект "Северный поток-2" иазыԥхьагәанаҭоит 55 миллиард кубометр агаз Урыстәылантәи Балтиатәи амшын аҵала Европаҟа ииазго агазмҩангагақәа ҩба рышьҭаҵара.

Агазмҩангага ашьҭаҵара хыркәшахоит 2019 шықәса анҵәамҭазы. Агазмҩангага ашьҭаҵара азин ҟарҵахьеит: Германиа, Финляндиа, Швециа.

Иара иаҿагылоит Америкеи Украинеи. Апроект аполитикатә ҟазшьа амоуп ҳәа иахцәажәоит Латвиа, Польша, Литва.

Москва изныкымкәа иазгәанаҭахьеит агазмҩангага нырратә хархәаганы ишшьатәым. Германиа аиҳабыра ракәзаргьы "Северный поток - 2" економикатә проектны иахәаԥшуеит.

Ихадоу атемақәа