АҞӘА, цәыббра 8 – Sputnik. Урыстәыла ауааԥсыра реиҳараҩык алаҵа рзыҟаҵахар алшоит иааиуа ашықәс аԥхынразы ҳәа РИА Новости иазеиҭеиҳәеит Гамалеи ицентр адиректор Александр Гинцбург.
Иара иҳәеит аҭагылазаашьа хылаԥшраҵәҟьа ауҭарц азы ауааԥсыра ҩба ахԥатәи рыхәҭа алаҵа рзутәуп. Уи 70-75 миллионҩык рҟынӡа инаӡоит, убри аан авирус уаиааит ҳәагьы узҳәом.
Алаҵа аԥышәараан иззыҟаҵаз рҟынтәи 100% агуморалтәии ахацтәии иммуннатә ҭак цәырнагеит. Уи ауаҩԥсы аҽазнык COVID-19 аиура дацәнахьчоит.
Алаҵа ззыҟарҵаз рцәеижьҿагылақәа рыҩаӡара 1,4-1,5 рыла еиҳан ачымазара зхызгаз раасҭа.
COVID-19 иазку актуалтә дыррақәа - апортал стопкоронавирус.рф. аҿы.
Иара убас шәаԥхьар ҟалоит:
- The Lancet аҟны икьыԥхьуп Covid-19 хызҽуа урыстәылатәи алаҵа аҭҵаара алҵшәақәа
-
Ҵахнакьиа: Аԥсны Агәабзиарахьчара аминистрра алаҵа "Спутник V" аагара иазхәыцуеит
