АҞӘА, жьҭ 21 – Sputnik, Бадраҟ Аҩӡба. Амҩатә ԥҟарақәа рӷәӷәатәуп, аха аилагара азы ахараԥсақәа иакьымсроуп, абри атәы Sputnik акореспондент иаиҳәеит амашьынатә инспекциа аиҳабы Нугзар Шоуа.
"Иахьа ажәлар рмазара ҳаракӡам, уи азы сара ахараԥсара аизырҳара аидеиа садгылаӡам", – инаҵшьны иазгәеиҭеит Шьоуа.
Аԥсны автоиспектор хада излаиҳәо ала, амҩатә ашәарҭадара аизырҳаразы раԥхьаӡа акәны аилагарақәа ралԥшаареи ахьырхәрақәеи рзы аусурақәа рӷәӷәатәуп.
Ҳара ҳара ҳабжьара аусурақәа еиҿкааны ишьақәҳаргылароуп. Аусура алҵшәа бзиақәа узалхӡом ламысла уазымнеикәа. Убас, мызкы иҭагӡаны хҩык рмаҵурақәа ирымысххьеит", – иҳәеит Шьоуа.
Аԥсны амҩатә ҳәынҭқарратә усбарҭа аиҳабы Ныгәзар Шьоуа, иааигәоу алашара аркеи, ашәарҭардаратә маҟа ахамырхәареи реиԥш иҟоу иуадаҩым аԥҟарақәа рықныҟәара амҩаҟны аҭагылазаашьа аиӷьтәра иацхраауеит ҳәа игәы иаанагоит.
