АҞӘА, ажь 29 — Sputnik. Аҟәатәи аџьармыкьа хада азааигәара ахыбрақәа амца ркит 22 сааҭ шыҟаз, ԥсҭбара ҟамлеит, ҳәа Sputnik акорреспондент изааицҳаит Аԥсны аҭагылазаашьа ҷыдақәа рзы аминистрра аусзуҩ.
"Афатә ахьышьҭаз адәқьан аҿы амца ахы ыҵнахит. Уажәазы уи ырцәоуп, шәарҭа ҳәа акгьы ыҟам. Амца зхылҿиааз амзызқәа реилкаара ҳаҿуп", — иҳәеит Аԥсны аҭагылазаашьа ҷыдақәа рзы аминистр Лев Кәыҵниа.
Ахҭыс ахьыҟалаз аҭыԥаҿы инеит Аԥсны аԥыза-министр ихаҭыԥуаҩ Шамиль Аӡынбеи Аԥсны ахада иусбарҭа аиҳабы Асҭамыр Ҭаниеи.
"Ауаа рыҽгәарҭаларц ргәы рҽанаҳҵоит, аха дара амца аҽацәыхьчаразы аԥҟарақәа ирықәныҟәаӡом", — ҳәа азгәеиҭеит Шамиль Аӡынба.
Амцакра шыҟалаз атәы Аԥсны аҭагылазаашьа ҷыдақәа рзы аминистррахь ирыцҳаит аџьармыкьа хада ахылаԥшцәа.
