Ҳаџьымба: Аҟәа араион атуристтә потенциал ду амоуп

© Sputnik Томас ТхайцукАҟәа. Архивтә фото.
Аҟәа. Архивтә фото. - Sputnik Аҧсны
Анапаҵаҩра
НовостиTelegram
Аԥсны Ахада Рауль Ҳаџьымба Аҟәа араион аҟны атуризм аиҭашьақәыргыларазы агәыӷра ааирԥшит.

АҞӘА, жәб 19 – Sputnik, Бадраҟ Аҩӡба. Аҟәа араион атуристтә потенциал ду амоуп, уи рҿиалатәуп, иҳәеит Рауль Ҳаџьымба аԥшьаша, Аҟәа ауаажәлар рԥылараан.

"Иаҳгәалашәоит асовет аамҭазы Аладатәи Ешыра атуристтә аобиектқәа ыҟан, уахь иаҵанакуеит усҟан еицырдыруаз аспорттә комплекс, уи иахьа аҭагылазаашьа цәгьа амоуп" – инаҵшьны иазгәеиҭеит Ахада.

Рауль Ҳаџьымба Аҟәа араион аҟны атуризм аиҭашьақәыргыларазы агәыӷра ааирԥшит.

"Иацы Ешыра аспорттә база азҵаарала Москва аиԥылара мҩаԥысыр акәын, аиҭашьақәыргыларазы аинтерес ыҟоуп. Уи апроект аиҿкаара ҳалшар араион анхацәа адԥхьалазаауеит – аусура раларгара, ауалафахәы бзиа аиура", – иҳәеит Ҳаџьымба.

Ахада иазгәеиҭеит Аԥсныҟа аинвестициақәа радыԥхьаларазы аинвесторцәа рықәҿиара агәра рго иҟаҵатәуп ҳәа. Атәылаҟны агәыҳалалратә ҭагылазаашьа ашьақәыргыларазы ахадара иаҭаху аусқәа мҩаԥнагалоит, иҳәеит Ҳаџьымба.

Ажәабжьқәа зегьы
0