АҞӘА, нанҳәа 9 — Sputnik, Асҭанда Арӡынԥҳа. Карате азы Иошитаки Фунакоши Ихраҿазы Жәларбжьаратәи XVII атурнир атурнир аҟны актәи аҭыԥ ааннакылеит Аԥснытәи еизгоу акоманда.
Карате-до азы Аԥснытәи Афедерациа ахантәаҩы Геннади Барцыц иажәақәа рыла аԥсуа спортсменцәа азыҟаҵара бзиа рымоуп.
"Аԥснытәи еизгоу акоманда иалоуп иреиӷьу аспортсменцәа", — ҳәа азгәеиҭеит Барцыц.
Карате аганахьала Иошитаки Фунакоши Ихраҿазы Жәларбжьаратәи XVII атурнир рхы аладырхәти Аԥсни, Урыстәыла Аладатәи, Нхыҵ-Кавказтәии, Сибратәии, Ацентртәи аокругқәа, Ҟабарда-Балкариатәи ареспублика рҟынтәи аспортсменцәа, иара убасгьы раԥхьаӡа акәны, Ҭырқәтәылатәи акоманда.
Атурнир аҟны аҩбатәи аҭыԥ ааннакылеит Урыстәылатәи акоманда, ахԥатәи – Ҭырқәтәыла акоманда.
