АҞӘА, абҵара 20 — Sputnik. Абҵара 21 усутә мшны ирылаҳәоуп, Аԥсны Аминистрцәа Реилазаара аӡбрала.
Аԥсны Аҳәынҭқарра Аконституциа амшныҳәа инадҳәаланы абҵара 26, 27 ԥсшьарамшны ирылаҳәоуп.
1994 шықәса абҵара 26 рзы Аԥсны Иреиҳаӡоу Асовет асессиаҟны ирыдыркылеит атәыла азакәан хада – ихьыԥшым Аԥсны Аконституциа.
Иуадаҩын арҭ аамҭақәа. Аибашьра шьаарҵәыра илҵыз атәыла еихырӷӷа ишьҭан, аха ихымԥадатәины иҟан аҳәынҭқарра аргылара шьаҭаны иаиушаз адокумент.
Убасҟан ирыдыркылаз Аконституциа иахьагьы аус ауеит. Иара ианыԥшуеит ианрыдыркылоз иҟаз аҭагылазаашьа – атәыла Ахада инапы ӷәӷәа, имчра аҭахра.
