Аҟәатәи араионтә библиотека акомпиутер ҿыц ҳамҭас иарҭеит

© Foto / Сырма АшәԥҳаАҟәатәи араионтә библиотека акомпиутер ҿыц ҳамҭас иарҭеит
Аҟәатәи араионтә библиотека акомпиутер ҿыц ҳамҭас иарҭеит - Sputnik Аҧсны
Анапаҵаҩра
НовостиTelegram
"Жәларбжьаратәи афонд Аԥсны" Аҟәатәи араионтә библиотека акомпиутер ҿыц ҳамҭас ианаҭеит.

АҞӘА, хәажәкыра 28 — Sputnik, Сырма Ашәԥҳа. Араионтә библиотека аусуратә еилазаара шьақәгылоуп ԥшьҩык аусзуҩцәа рыла. Абиблиотека анапхгаҩы Зинаида Сабекиаԥҳа, аус лыцызуа лҩызцәеи лареи ирылшо зегь ҟарҵоит хәы змаӡам ашәҟәқәа реиқәырхаразы.

"Аԥсны аҵарадырратә усбарҭақәа, еиҳаракгьы араионтә библиотекақәа рзы, ари лагала маҷуп. Араионтә библиотекақәа егьырҭ абиблиотекақәа жәпакы реиԥш аҭагылазаашьа уадаҩ рымоуп. Ҳаамҭазтәи атехнологиатә хархәагақәа аҿиара ишаҿугьы, ашәҟәыԥхьарҭақәа — еснагь ажәабжь иахыҵхырҭаны иаанхоит", — иҳәеит афонд ахада ихаҭыԥуаҩ Мақсим Ӷәынџьиа. 

"Ҳара даара ҭабуп ҳәа раҳҳәоит "Жәларбжьаратәи афонд Аԥсны" ахаҭарнакцәа, ҷыдала уи ахада Сонер Гогәуа, абиблиотека аусураҿы иҳагыз еилкааны ацхыраара ахьҳаиҭаз. Араҟа имҩаԥысуеит ацәыргақәҵақәа, еиуеиԥшым аусмҩаԥгатәқәа, ахәыҷқәа аус рыдулара. Аҟәа араион иаҵанакуа ашколқәа шәҟәыла реиқәыршәара хықәкыс ишамоугьы, иазымхо арҵага шәҟәқәа маҷым. Аԥхьаҟа аҭагылазаашьа еиӷьхап ҳәа ҳгәыӷуеит, зегь реиҳа ихадараны ҳазхәаԥшуа ахәыҷқәа ашәҟәаԥхьара абзиабара рылааӡароуп", — лҳәеит абиблиотека аиҳабы Зинаида Сабекиаԥҳа. 

Ареабилитациатә центр акомпиутертә комплектқәа ҩба ҳамҭас ианаршьеит

Аԥсны Аџьынџьтәылатә еибашьра ҟалаанӡа, Аҟәатәи араион аҟны аус руан 39 филиал араионтә библиотекақәа. Абиблиотека асистема зегьы еиднакылон 400 000 екземплиар.  Аибашьра ашьҭахь, абиблиотека аусзуцәа ирзеидкылаз 13 000 екземплиар роуп, убригьы Аҟәатәи араион иаҵанакуа библиотека заҵәык аҟны. Шықәсык иалагӡаны абиблиотека иаҭаауа рхыԥхьаӡара 2 400-ҩык рҟынӡа инаӡоит.

Аԥсны иҭыҵуа  агазеҭқәеи егьырҭ аҭыжьымҭақәеи рнапы рыҵарыҩуеит, Урыстәылатәи ажурналқәеи агазеҭқәеи убрахь иналаҵаны. Абиблиотека аусзуцәа рхы рыладырхәуеит атренингқәеи, асеминарқәеи. Иазпҳьагәаҭаны ирымоуп  аҳәаанырцәтәи абиблиотекақәеи дареи русеицзуреи, рԥышәеимдарази аимадара арӷәӷәара. Ашәҟәаԥхьара абзиабаҩцәа зегьы рзы Аҟәатәи араионтә библиотека еснагь ашәқәа аартуп.  


Ажәабжьқәа зегьы
0