АҞӘА, лаҵарамза 5 – Sputnik. Акциа "Ԥсра зқәым аполк" алахәылацәа мҩаԥысраны иҟоуп Бранденбургтәи агәашәқәа инадыркны ҩ-нызқьҩык рҟынӡа асовет аруаа анышә иахьамадоу Тиргартен амемориал аҟынӡа. Абри атәы лҳәеит апроект акоординатор Иана Заугарова.
Акциа "Ԥсра зқәым аполк" раԥхьаӡа акәны Берлин имҩаԥысит 2015 шықәса рзы. Иара иалахәын хәышҩык рҟынӡа ауаа. Акциа амҩаԥгараз азин ҟанаҵеит берлин асенат, германиа иҟоу Урыстәыла Ацҳаражәҳәарҭа адгыларала.
"Аҽеизакра иалагоит 10.30 (11.30 мск) рзы, Бранденбургтәи агәашәқәа рҿаԥхьа. Уахьынтәи аколлона аҿынанахоит Тиргартен ашҟа", — лҳәеит акоординатор.
"Ԥсра зқәым аполк" уаажәларратә акциоуп. Иара аԥшьган Томск, 2012 шықәса рзы.
Акциа мҩаԥысуеит Аиааира амш аҽны Урыстәылеи егьырҭ аҳәынҭқаррақәа жәпаки рҿы.
