Оқҭаи Ҷкотуа: ҳара ҳажәлары ӷәӷәоуп, ҳаззымиааиуа ус ыҟаӡам

© Sputnik, Бадраҟ АҩӡбаОқтаи Ҷкотуа.
Оқтаи Ҷкотуа. - Sputnik Аҧсны
Анапаҵаҩра
Аԥсуара иахьатәи аҭагылазаашьа зеиԥшроу атәы даҳзалацәажәоит 20 шықәса раахыс зыԥсадгьыл ахь ихынҳәыз Оқҭаи Ҷкотуа.

Sputnik, Сырма Ашәԥҳа

- Оқҭаи, аԥсуа дахьыҟазаалак, даҽа милаҭк дызларыламҩашьо иныҟәиго иаԥсуара аԥҟарақәа рылоуп. Иахьа, ҳтәылаҿы иҟоу аҭагылазаашьа азгәаҭаны, уабжьгарақәа ҳарзыӡырҩырц ҳҭахуп.

Аԥсуа шәҟәыҩҩы аҭоурыхҭҵааҩ Омар Беигәаа 10-тәи ашкол аҿы. - Sputnik Аҧсны
Абаҩхатәра ду злаз аҵеи лаша - Омар Беигәаа

— Акызаҵәык исҳәарц исҭаху, Ҭырқәтәыла ԥсыуа ҭаҳмадак иҳәоны саҳаит, убра зегьы агәылоуп ҳәа сгәы иаанагоит: "Уаԥсыуоума, уԥсы сара сзы иумоума, саԥсыуоуп — сыԥсы уара узы исымоуп". Ауаҩԥсы иара ихы аасҭа, ивагылоу дрызхәыцыр, бзиа ибар, пату рықәиҵар, убарҭгьы ҳара ҳаиԥш рхы ныҟәыргар, иарбанзаалак аимак-аиҿак ҟалаӡом. Ус анакәха, абри ажәа ҳазхәыцып, иара аԥсуара ахаҭаԥсаҭа абри ауп ҳәа сгәы иаанагоит.

Бзиа ҳаибабар, ҳаихӡыӡаар, ҳаилибаакар, ишахәҭоу ала ҳаицәажәар, усҟан иахьа иҳамоу ауадаҩра хәыҷқәа ҳариааиуеит. Ҳаԥхьаҟа, Анцәа иумҳәан, еиҳау уадаҩрақәак ааҳаԥгыларгьы, ҳариааины ҳцоит ҳәа сгәы иаанагоит. 

- Аԥсуара анаҳҳәо, еиднакыло акырӡа ирацәоуп. Аки-аки хаибарҭәаауеит хымԥада, аха егьа ус акәзаргьы, иалышәкаауеи?

— Аԥсуара закәуи? Аԥсуара — ари агәаӷьра, ачҳара, амаашьара, аихаҵгылара роуп. Акы аԥхьа иргыланы, егьи ашьҭахьҟа уагәҭасыр ҟалаӡом. Рызегьы еимадазаоуп. Иныҟәугозар, рызегь еицныҟәугароуп. Хәҭак ныҟәуго, хәҭак иануҭаху уагәҭасуа, ус иҟалаӡом. Уавсуа уцо уалагар, уи ԥсыуараӡам, аԥсуарала ахныҟәгара ауп иаанаго. Аԥсуара уара ухаҭа уҟынтәи ахы ыҵнахыр ауп, уара уҟынтәи иалагароуп, ухы аџьабаа аурбароуп уи азы. Имариаӡам аԥсуара аныҟәгара. 

Ешьреф Гындиа. - Sputnik Аҧсны
Ешьреф Гындиа: зегь реиҳа сгәы ҭызшьаауаз ҳамҭан - аԥсуа нбан

- Оқҭаи,  уажәшьҭа 20 шықәса инареиҳауп Ҭырқәтәылантәи уҭоурыхтә ԥсадгьыл ахь нхара уааижьҭеи. Усҟантәии уажәтәи аамҭеи еиҿурԥшуазар, лкаас иҟауҵарц иулшои? 

— Ҳәарада, ауаҩԥсы дахьыҟоу аиҭакрақәа еснагь иҟоуп, аԥхьаҟагьы иҟалоит. Аиҭакра абзиарахь ахы анхо, ауаҩы деигәырӷьоит, игәы еизнарҳауеит. Ҳара иаҳтәым ашьцыларақәа, аиҭакрақәа ҳажәлар ирыдыркыларым, аиааира рылшап ҳәа сгәы иаанагоит.

Ҳалақәа аахҩаны, ҳҭоурыхгьы ҳхы-ҳгәы инҭакны ҳазхәыцып ҳҭагылазаашьа. Шәышықәса раԥхьа ҳзеиԥшрааз, Аԥсны аҳәынҭқарра ҳәа акрыҟазма? Ҳажәлар еиԥхьытта адунеи иаларыԥсахьан, аибашьра дуӡӡақәа ҳхаҳгахьеит, ҳажәлар рыбӷа ԥҵәахьеит, ахақәиҭра еснагь иазықәԥон.

Иахьа, адунеи еицырдыруа ҳәынҭқаррак шьақәыргыланы иҳамоуп. Ҳбызшәа ҳҳәоит, ҳлеишәа ныҟәаҳгоит. Иҟоуп агәынамӡарақәагьы, аха зегь дара роуп ҳажәлар аӷьараҳәа рыԥсы ҭаны адунеи иқәгылоуп. Абри ҳаҭыр ақәаҳҵароуп, ҳахӡыӡаароуп. Зқьышықәса раахыс иаҳмоуц анҳау, абри ҳаӷрамгылап, Анцәагьы иаҳџьишьарым.

Иҳамоу аҭагылазаашьа ахә ҳаракны иаҳшьап, ари аҩыза аҭагылазаашьа ҳауран ҳаҟаӡам. Ҳажәлар зқьышықәсалатәи рԥеиԥш абыржәы ҳнапы иануп. Ҳаҭыр еиқәаҳҵап, лакҭала ҳаиҿаԥшны, ҳаилибааканы ҳаицәажәап. Ҳара ҳажәлары ӷәӷәоуп, ҳаззымиааиуа ус ыҟаӡам. 


Ажәабжьқәа зегьы
0