Ҳаџьымба: алхрақәа ишахәҭоу еиԥш имҩаԥгатәуп

Анапаҵаҩра
НовостиTelegram
Аԥсны Ахада Рауль Ҳаџьымба аусутә еилацәажәара мҩаԥигеит Урыстәыла Аҳәынҭқарратә Думахь имҩаԥысраны иҟоу алхрақәа ирызкны.

АҞӘА, нанҳәа 24 – Sputnik. Аԥсны Ахада Рауль Ҳаџьымба аусутә еилацәажәара мҩаԥигеит Урыстәыла Аҳәынҭқарратә Думахь имҩаԥысраны иҟоу алхрақәа ирызкны. Аҳәынҭқарратә Думахь алхрақәа ишахәҭоу еиԥш имҩаԥгатәуп, азакәанқәа инарықәыршәаны, иҳәеит атәыла Ахада аилацәажәараан.

"Ҳара иахәҭоу ауснагӡатәқәа зегьы еиҿаҳкаароуп. Иҳалшо ала ацхыраара ҟаҳҵароуп абжьыҭира аиҿкаараан", – иҳәеит Ҳаџьымба.

Ҳаџьымба иара убасгьы иазгәеиҭеит алхрақәа раан ашәарҭадара шеиҿкаатәу.

Аԥсны иҟоу Урыстәыла Ацҳаражәҳәаҩ Семион Григориев иазгәеиҭеит ареспубликаҟны алхратә участокқәа жәба шаԥҵахо.

"Аҟәа ақалақь аҟны аучастокқәа ҩба, акак Гагра, Пицунда, Гәдоуҭа, Очамчыра, Тҟәарчал, Гал рҟны. Иара убасгьы Бамбора аҳаблаҟны", — иҳәеит Григориев.

Алхрақәа разыҟаҵара аусура амҩаԥысшьа ахылаԥшра инапы ианҵоуп Аԥыза-министр ихаҭыԥуаҩ Беслан Ешба.

225-ҩык адепутатцәа апартиатә сиақәа рыла иқәгылоит, 225-ҩык аможаритартә системала.

Иааидкыланы иахьазы асиа иануп 111,7 миллионҩык алхыҩцәа.

Ажәабжьқәа зегьы
0