Аԥсуа делегациа Иерусалим рыҟазаараз афильм ӡырыргеит

Анапаҵаҩра
НовостиTelegram
Аԥсуа делегациа Иерусалимҟа анцәахаҵаратә миссиа мҩаԥыргеит 2016 шықәса мшаԥымза 21-30 рзы, Мшаԥы азы Аԥсныҟа Иԥшьоу Амшхәыбзазара мца ааргеит.

АҞӘА, нанҳәа 31 – Sputnik, Рада Ажьиԥҳа. Адокументалтә фильм "Свет внутри тебя. Обретение Благодатного огня" — Анцәа ихаҵара умамкәа анхара ҟалоу иҟамлоу азы узырхәыцуа фильмуп лҳәеит афильм автор, ажурналист Манана Кокосқьырԥҳа.

Ҳаиқәырхаҩ имҩа ианысит Аԥснытәи анцәахаҵаҩцәагьы

Адокументалтә фильм "Свет внутри тебя. Обретение Благодатного огня" — Анцәа ихаҵара умамкәа анхара ҟалоу иҟамлоу азы узырхәыцуа фильмуп. Аиҳаракгьы ҳара аԥсуаа ҳҟны Анцәа зегьы дреиҳаны дахьырыԥхьаӡо. 12-мш рыҩныҵҟа ирацәаны аматериал ҭыхын. Агәыԥ зегьы ҳсасааирҭа ахыб ахь ихазгалон. Уантәи иубарҭан адунеи аныхабаақәа иреиҳау – Иҳақәиҭу идамра ауахәама. Иҟалап сзыҿцәажәоз ирҳәозгьы убри иадҳәалазар. Ҳаицәажәара ахазхәыцрахь ҳкылнагон. Афильм 40 минуҭ ицоит. Авторс сара сыҟоуп, операторс – Роберт Џьапуа. Афильм амонтаж мҩаԥигеит Роман Лабиа", — лҳәеит Манана Кокосқьырԥҳа.

Лара лажәақәа рыла аделегациа иалахәын 50-ҩык рҟынӡа Аԥсны атәылауаа.

"12-мш рыҩныҵҟа ҳара Аԥсны ажәлар ҳархаҭарнакцәан, амилаҭ маҭәа ҳашәҵаны ҳныҟәон, аԥсышәала анцәа ҳиашьапкуан, аԥсышәала ашәа ҳҳәон, ҳцәажәон. Ажәакала ҳажәлар ҳархаҭарнакцәан. Раԥхьаӡа акәны Иԥшьоу амца агылара ҳалахәын. Аԥсныҟагьы аҟәырҷаха аагеит", ҳәа еиҭалҳәоит афильм автор.

Анцәаишьапкыҩцәа амҩа ианықәлоз рымҩа аб Виссарион иныҳәеит.

"Ауаҩ ибзиабара иреиҳаӡоу ҳамҭоуп. Уаӷа бзиа ибара уадаҩуп, аха Анцәа думазарц азы уигьы уахысроуп. Анцәа ибзиабара ахьыҟам лашьцароуп", — иҳәоит аб Виссарион.

Аделегациа ирхықәкы хадаз Иԥшьоу Амшхәыбзазара мца Аԥсныҟа аагаракәын, Амшаԥ аҽны атәыла ауахәамақәа зегьы рыҟны иара аркракәын.

Аԥснытәи анцәахаҵаҩцәа Иордан аӡыԥшьа рыҽӡааршьит

"Афильм санахәаԥш аҽазныкгьы иснырит Иерусалим исымаз аҭагылазаашьа аҭынчра. Сара уаанӡагьы телехәаԥшрала избахьан амца агылара, аха лабҿаба ианубо ауп иныҭкааны ианеилукаауа Анцәа ду ибзиабара шаҳзишо, урҭ аминуҭқәа рзы адунеи ауаажәлар зегь шеидикыло", — лҳәоит аделегациа иалахәыз Нонна.

Аԥсуа Иашахаҵаратә уахәама аиҳабы аиереи Виссарион аныҟәаҩцәа рымҩа аниԥшьоз, иара убасгьы иԥшьеит Анцәасахьақәа хԥа. Урҭ рҟынтәи ҩба ҳамҭас Иерусалим иҟоу Москватәи апатриархат адоуҳатә миссиеи Иерусалимтәи Апатриархи ирырҭеит, ахԥатәи – аџьартә ныҟәара иахганы Аԥсныҟа идырхынҳәит.

Аԥснынтәи ауахәаманыҟәаҩцәа Иерусалим инеиит ахәаша, мшаԥымза 22 рзы. Аԥснынтәи аныҳәарҭақәа рахь аныҟәаҩцәа Иерусалимҟа амҩа иқәлеит Амшаԥ аламҭалазы амца ԥшьа аҟәырҷаха аагаразы. Абри аидеиа цәырыргеит Рауф Ҳаразиеи Леуан Адлеибеи. Амца анҩеи ашьҭахь Аԥснытәи аныҳәарҭақәа рахь аныҟәаҩцәа хәҩык Шәачаҟа ачартертә реис ала ихынҳәит Амшаԥ аламҭалазы Амца ԥшьа аҟәырҷаха рыманы.

Аныҟәара адгылара анаҭеит ауаажәларратә еиҿкаара "Аԥсадгьыл".

Ажәабжьқәа зегьы
0