АҞӘА, жьҭаара 21 – Sputnik, Бадри Есиава. Аминистрцәа Реилазаара еицҿакрыла ирыдыркылеит "Аҳәынҭқарратә хәаахәҭреи ауаажәларртә чареи русхк аҟны аҳәынҭқарратә хылаԥшразы" Ақәҵара апроект. Апроект азин ҟанаҵоит зхаҭабзиара лаҟәу атауар ақәгареи аҭиҩцәеи аахәаҩцәеи ршәарақәа рҭагылазашьеи ргәаҭара, рхылаԥшра.
"Апроект азырхоуп ахәаахәҭреи ауаажәларратә чареи русхк аҟны анормақәа рышьақәыргылара", — иҳәеит Аԥсны астандартқәеи, аҭахратәии атехникатәии хылаԥшразы Аҳәынҭеилакы аиҳабы Ерик Рштуни.
Рштуни иажәақәа рыла ахылаԥшрақәа иробиектны иҟалоит ахәаахәҭреи ауаажәларратә чареи знапы рылаку анаплакқәеи аиҿкаарақәеи зегьы.
