АҞӘА, лаҵарамза 30 — Sputnik, Бадри Есиава. Томбовтәи аобласт Рассказаво ақалақь аҟны инхо, Урыстәыла ашәҟәыҩҩцәа Реидгыла алахәыла Георги Шелд асабша, лаҵарамза 27 рзы Аԥсныҟа маланыҟәала амҩа дықәлеит. Ақалақь Ростову-на-Дону дааиуаны ималаныҟәа ашина кылҵәеит. Абри атәы иара ҭелла Sputnik акорреспондент изеиҭеиҳәеит, лаҵарамза 30 рзы.
"Сара Ростову-на-Дону сазааигәаны сааихьаны смаланыҟәа ашина кылҵәеит, аха ацынхәра сыман азы иаарласны исыԥсахит. Уажәазы уадаҩраны иҟоу ашороуп. 30 градус ашора ыҟоуп", — иҳәеит Шелд. Иара аҩаша ауха Ростов-на-Дону инхо иҩызцәа рҟны дыԥхьоит, ашьыжь имҩа иациҵоит.
Томбовтәи аобласт Рассказаво ақалақь аҟны инхо, Урыстәыла ашәҟәыҩҩцәа Реидгыла алахәыла Георги Шелд асабша, лаҵарамза 27 рзы Аԥсныҟа маланыҟәала амҩа дықәлеит.
Иара игәҭакын аа-мшы рыҩныҵҟа Аҟәанӡа ааӡара, игәы иаанагоит уи иқәманшәалахап ҳәа.
