Аҵарауаа Цира Габниаԥҳаи Асҭанда Ҳашԥҳаи алацәажәеит излахәыз аетнологцәеи антропологцәеи рконгресс
"Зымҽхак ҭбааз конгресс дуун, иалахәын хәышә-ҩык рҟынӡа аҵарауаа, асекциақәа рыла еихшан. Аконгресс мҩаԥысуеит хы-шықәса рахьынтә знык. Аиҿкааҩцәа аамҭа еигӡаӡом, аҵарауаа зегьы ықәгылартә еиԥш алшара рырҭоит. Ажәакала, ажәларқәа ркультура аинырразы аконгресс акырӡа аҵанакуеит", — ҳәа лҳәеит Цира Габниаԥҳа.
Аԥсуаҭҵааратә институт аҟны амилаҭқәа рҭагылазаашьа аҭҵаара знапы алаку Асҭанда Ҳашԥҳа илхәеит, лара аус ахьылуаз асекциаҟны иазааҭгылеит амилаҭ маҷқәа рдемографиатә ҭагылазаашьа.
