Сыҷынааԥҳа: афестиваль "Prince&Princess of the World 2017" аҟны аиҩызаратә ҭагылазаашьа аԥҵан

© Sputnik Юлия Квициния Есма Гемауаԥҳа, Иалса Занҭариаԥҳа, Лали Сыҷынааԥҳа
Есма Гемауаԥҳа, Иалса Занҭариаԥҳа, Лали Сыҷынааԥҳа - Sputnik Аҧсны
Анапаҵаҩра
НовостиTelegram
Афонд "L-Star" апрезидент Лали Сыҷынааԥҳа Sputnik иазеиҭалҳәеит жәларбжьаратәи аԥшӡара аконкурс "Prince&Princess of the World 2017" амҩаԥысшьа атәы. Аконкурс аҟны Супер Гран-при ланашьахеит Иалса Занҭҭариаԥҳа.

АҞӘА, ԥхынгәы 10 – Sputnik, Роберт Џьопуа. Афонд "L-Star" апрезидент Лали Сыҷынааԥҳа Sputnik иазеиҭалҳәеит жәларбжьаратәи аԥшӡара аконкурс "Prince&Princess of the World 2017" ("Принц и принцесса мира 2017") амҩаԥысшьа атәы.

"Ахәыҷқәа рыбжьара аиҿагылара аҭыԥ амамызт, избанзар аиҿкааҩцәа ирылдыршеит аиҩызаратә ҭагылазаашьа аԥҵара", — ҳәа еиҭалҳәоит лара.

Афестиваль Супер Гран-при занаршьаз 8-шықәса зхыҵуа Иалсы Занҭариаԥҳа зегь раасҭа иалылкааит афестиваль аҟны аԥсуа кәашарақәа рпопурри аныналыгӡоз.

Сыҷынааԥҳа илҳәеит афестиваль ахь аҽазыҟаҵарақәа хымз ишымҩаԥысуаз.

Аа-шықәса зхыҵуа амодель Иалса Занҭариаԥҳа - Sputnik Аҧсны
Аԥшӡаразы аконкурс аҟны Иалса Занҭариаԥҳа зегь иреиӷьу ҳәа далкаауп

"Аҽазыҟаҵаразы аамҭа рацәаны иҳамамызт. Хымз заҵәык ракәын. Абри аамҭа иалагӡаны авизақәа рызҵаара ӡбатәын, иӡбатәын акостиумқәа, аномерқәа аҳамҭақәа рызҵаара", — лҳәоит лара.

Афестиваль амшқәа зегьы гәылҭәаан. Зегь раасҭа аинтерес аҵан актәи амш – алахәылацәа зегьы апарк аҟны "Аиҩызара аҵла" анеицеиҭарҳауаз.

"Ахәыҷқәа зегьы ирзыршеит ртәылақәа рыхьӡқәа зныз алентақәа, нас аҵла ахьеиҭарҳауаз апарк ахь инеиит. Уаҟа дасу итәылаҟынтәи иааигаз анышә аҵла иаҵеиԥсеит", — ҳәа еиҭалҳәоит Лали Сыҷынааԥҳа.

Иалса лан, Есма Гемуаԥҳа иазгәалҭеит лыԥҳа ареспублика ахьӡала дахьықәгылоз аҭакԥхықәра ду шлыднаҵоз.

Инарҭбаау арадиоинтервиу шәазыӡырҩыр ҟалоит абра

Жәларбжьаратәи аԥшӡара афестиваль "Prince&Princess of the World 2017" мҩаԥысуан Болгариа, ԥхынгәы 23-30 рзы. Иара иалахәын 50-ҩык рҟынӡа аконкурсантцәа Украина, Урыстәыла, Аԥсны, Испаниа, США, Ҟазахсҭан, Ҭырқәтәыла, Канада, Индиа уҳәа рҟынтәи.

Ажәабжьқәа зегьы
0