Арт-пленер "Аԥшшәхәқәа рдиалог" мҩаԥгахоит Аҟәа

© Sputnik Бадрак АвидзбаОткрытие арт-пленера "Диалог красок" в Сухуме
Открытие арт-пленера Диалог красок в Сухуме - Sputnik Аҧсны
Анапаҵаҩра
НовостиTelegram
Арт-пленер "Аԥшшәхәқәа рдиалог" мҩаԥгахоит Аҟәа. Арт-пленер мҩаԥнагоит Москватәи акультура-усутә центр "Москва Аҩны".

АҞӘА, жьҭаара 17 – Sputnik, Бадраҟ Аҩӡба. Жьҭаара 16 рзы иаатыз II Урыстәыла-Аԥснытәи арт-пленер  «Аԥшшәхәқәа рдиалог» хыркәшахоит жьҭаара 26 рзы. Абри атәы  лҳәеит  апресс-конференциаҟны "Москва Аҩны" адиректор хада Зоиа Баутина.

"Иахьа иааҳартуа апленер ҩынтәуп имҩаԥаагоижьҭеи. Ҵыԥх иара мҩаԥысит аҩаӡара ҳарак аманы. Апленер еиднакылоит Урыстәылеи Аԥсни рсахьаҭыхыҩцәа", — лҳәеит лара.

Сынтәа Арт-пленер ҩынтәны имҩаԥысуеит.

Осенний арт-пленэр открылся в Сухуме - Sputnik Аҧсны
"Аԥснытәи ҭагалан" асахьаҭыхыҩцәа еиднакылеит

Уи рхы аладырхәуеит Аԥсны АҳәынҭқарреиУрыстәылатәи Афедерациа еиуеиԥшым арегионқәа рҟынтә еицырдыруа асахьаҭыхыҩцәа, апрофессорцәа, астудентцәа. Дара иҭырхлоит Аԥснытәи ҭагалан иазку апеизажқәа рсахьақәа.

Апленер амҩаԥысра амшқәа ирылагӡаны, асасцәа алшара роуеит Аԥсны аҭоурыхтә ҭыԥԥшӡарақәа рҭаара. Иаҳҳәозар: Аҟәа ақалақь, Афон ҿыц, аӡиа Рица, Бедиатәи ауахәама, Ешыра аибашьра ахьымҩаԥысуаз аҭыԥқәа.

"Ҳапрограмма инақәыршәаны асахьаҭыхыҩцәа аа-мшы асахьақәа рҭыхра мҩаԥыргоит. Иахьа аиԥылара иамшуп. Уаҵәы Афон ҿыцҟа ицоит. Иазыԥхьагәаҭоуп иара убасгьы аӡиа Риҵа, Тҟәарчал, Очамчыра рҭаара, Каман рҭаара", — лҳәоит адиректор хада.

Апресс-конференциа аҳәаақәа ирҭагӡаны имҩаԥган апленер алахәылацәа русумҭа рцәыргақәҵа. Иара убасгьы ицәыргақәҵан асахьаҭыхыҩ Хәыта Аҩӡба ихатә галереиа аҟынтәи асахьақәа.

Асахьаҭыхыҩ Витали Џьниа алаҳәара ҟаиҵеит жьҭаара 25 рзы Ацәыргақәҵатә зал аҟны ишеиҿкаахо II Урыстәыла-Аԥснытәи арт-пленер  «Аԥшшәхәқәа рдиалог» алахәылацәа рырҿиамҭақәа рӡыргара.

Урыстәыла асахьаҭыхыҩцәа Реидгыла амаӡаныҟәгаҩ, Урыстәыла жәлар рсахьаҭыхыҩ Валери Полотнов иазгәеиҭеит Аԥсныҟа раԥхьаӡа акәны дшааз.

"Асовет аамҭақәа рзы ҳара ибзианы иаадыруан аԥсуа сахьаҭыхыҩцәа рацәаҩны. Урҭ еиуеиԥшымыз зегьеидгылотәи ацәыргақәҵақәа ирылахәын. Аамҭақәак раԥхьа ҳаимадарақәа ԥкны иҟан, аха уажәы урҭ реиҭашьақәыргылара ҳаҿуп", — иҳәеит иара.

Полотнов иҳәеит агәрахаҵара шимоу арт-пленер аҳәаақәа ирҭагӡаны уаҩ игәаԥхаша аусумҭақәа жәпакы шаԥҵахо.

Ажәабжьқәа зегьы
0