АҞӘА, ԥхынҷкәын 8— Sputnik. Аӡиас Иордан Мраҭашәаратәи аган, асектор Газ аҟны аԥшьаша зықьҩыла ауаа цәырҵит. Ақәгыларақәа мзызны ироуит США Ахада Дональд Трамп Иерусалим Израиль аҳҭнықалақь ауп, Ацҳаражәҳәарҭагьы уахь ииагатәуп ҳәа аҳәамҭа ахьыҟаиҵаз. Ақәгылараан аполициааи дареи реидыслара иахҟьаны иҟоуп аахақәа зауз. Абри атәы аанацҳаит РИА Новости.
"Аахақәа зауз рхыԥхьаӡара 104-ҩык инаӡеит. Урҭ рҟынтәи ԥшьҩык хәуп", — иҳәеит Аџьар Ҟаԥшь ахаҭарнак Ираб аль-Фукаха.
Иара иҟаиҵаз адыррақәа рыла 75-ҩык ахәышәтәырҭақәа рахь инаргеит алаӷырӡаагага агаз ахьрыларҵаз иахҟьаны.
Асектор Газ агәабзиарахьчара ахаҭарнак Ашраф аль-Кидра аҳәамҭа ҟаиҵеит аидыслаарқәа мҩаԥысит полестинатә анклав иахьаԥну аҭыԥқәа рҿы ҳәа.
