Дмитри Паӷәаа: ахәмарра ԥшӡа мҩаԥган

© Фото : Д. Пагава Матч между сборной Абхазии и сборной Тибета
Матч между сборной Абхазии и сборной Тибета - Sputnik Аҧсны
Анапаҵаҩра
Лондон ихацыркхеит ConIFA аверсиала ашьапылампыл азы адунеи ачемпионат. Аԥснытәи акоманда раԥхьатәи аиԥылара мҩаԥнагеит. Тибеттәи акомандеи Аԥснытәи акомандеи реицыхәмарраан Аԥснытәи акоманда 3:0 ҳәа аиааира агеит.

АҞӘА, рашәара 1– Sputnik. Сариа Кәарацхьелиаԥҳа. Аԥснытәи еизго акоманда раԥхьатәи амш аҽны ахәмарра ԥшӡа ддырбеит ахәаԥшцәа ҳәа иҳәеит ConIFA апрезидент ихаҭыԥуаҩ Дмитри Паӷәаа.

Астамур Адлейба - Sputnik Аҧсны
Адлеиба: ҳазцыхәмаруаз акоманда ԥсыҽын

"Актәи ахәмарраҟынҵәҟьа рхы бзианы иаадырԥшит. Ҳаԥхьаҟа иаҳзыԥшуп имаҷымкәа аусқәа. Ҳгәыӷуеит ахы шышьҭаҳхыз еиԥш ацҵарагьы ҳалшап ҳәа. Ҳаҷкәынцәа азыҟаҵара бзиа рымоуп, ахәмаррақәагьы ирзыхиоуп", — иҳәеит иара.

Иааидкыланы Аԥснытәи акоманда шьахәны ихәмарит, аха ахьчаратә блок иҵегь ирӷәӷәазар бзиоуп ҳәа азгәеиҭеит иара.

"Ахьчаҩцәа ицәгьамкәан ишыхәмаруазгьы аус здуулаша ыҟоуп. Анрик Ҳагәышь ачемпионат ахь доурмышьҭит. Маҷк ҳаиланархеит", — иҳәоит иара.

Аҩбатәи ахәмарра Аԥснытәи акоманда имҩаԥнагоит рашәара 2 рзы. Карпаталиааи дареи еицыхәмарраны иҟоуп.

Аҵәҭаԥсара аихшьаалақәа рыла Аԥснытәи акоманда Аҩадатәи Кипри, Тибети, Фельвидеки ркомандақәа ргәыԥ иақәшәоит.

Аԥсуа команда алахәылацәа зегьы профессионалтә хәмарцәоуп. Еиуеиԥшым аклубқәа: "Долгопрудный", "Металлург Липецк", "Спартак Владикавказ", "Торпедо Москва", "Арсенал" рҟни Аԥсны иреиҳаӡоу алигаҿи ихәмаруан.

Футбол. Сборная Абхазии-Сборная футбольных команд Абхазии - Sputnik Аҧсны
Аԥснытәи акоманда раԥхьатәи аиааира агеит

ConIFA аверсиала адунеи ачемпионат хацыркхеит Лондон, лаҵарамза 31 2018 шықәса рзы.

Актәи агәыԥ иалоуп акомандақәа: Барава, Каскадиа, Елан Ванин, Тамил Еелам. Аҩбатәи агәыԥ —Аԥсны, Аҩадатәи Кипр, Тибет, Фельвидека (Словакиа инхо авенгрцәа). Ахԥатәи агәыԥ – Паданиа, Кирибати, Матабелеленд, Сикеитәи атәылаҿацә. Аԥшьбатәи агәыԥ иалоуп: Пенджаб, Мраҭашәаратәи Ермантәыла, Кабилиа, Иапониа инхо акорееццәа.

Аԥснытәи акоманда адагьы Лондонтәи ачемпионат аквалификациа иахысит: Барава (Сомали), Республика Каскадиа (ЕАШ, Канада), Еллан Ванина (адгьылбжьаха Мен), Кабилиа (Аҩадатәи Африка), Карпаталиа (Украинатәи авенгрцәа), Матабелеленда (Зимбабве), Аҩадатәи Кипр, Паданиа (Италиа), Пенджаб (Индиа), Секеитәи атәылаҿацә (Румыниа), Тамил и Лама (Шри-Ланка), Тибет, Тувалу (Полинезиа), Мраҭашәаратәи Ермантәыла, Иапониатәи акорееццәа ркомандақәа.

ConIFA еиднакылоит 30 рҟынӡа команда.

Ажәабжьқәа зегьы
0