АҞӘА, рашәара 19 — Sputnik. Иапониа Атәылахьчара аминистр Ицунори Онодера аҳәамҭа ҟаиҵеит итәыла шазыхиам Америкеи иареи рырратә еицҽазыҟаҵарақәа реиҭакра ҳәа аанацҳауеит РИА Новости.
"Америкатәи аган аҳәамҭаҿы иазгәаҭоуп Кореиатәи адгьылбжьаха аҵакыра анҭыҵ ԥсахра ҳәа акгьы азыԥхьагәаҭам ҳәа. Уаанӡа, Пентагон ахада Джеимс Меттис иҿцәажәараан ҳара ишьақәҳарӷәӷәеит иапониа-америкатәи аицҽазыҟаҵарақәа шымҩаԥаагало уаанӡеиԥш, ихарҭәаау аформат ала" — иҳәеит Иапониа Атәылахьчара аминистр Ицунори Онодера апресс-конференциаҿы.
Уаанӡатәи адыррақәа рыла, Америка иагәҭакуп Аладатәи Кореиеи иареи рырратә еицҽазыҟаҵарақәа раанкылара КНДР аденуклеаризациа апроцесс иалахәнаҵы.
РИА Новости ишаҳәо ала, Атәылахьчара аминистрра ахаҭарнак Дан Уаит иажәақәа ааго — ари аӡбра иаҵанакуам Аокеан ҭынч аҿы егьырҭ ацҽазыҟаҵарақәа.
