АҞӘА, рашәара 20 – Sputnik. Европеи Америкеи рҳәоуеиқәымшәара НАТО акзаара ҵнашәаауеит иҳәеит Аҩада-атлантикатәи алианс ахада Иенс Столтенберг, ҳәа аанацҳауеит РИА Новости аҭыжьымҭа Guardian адыррақәа ҵаҵӷәыс иганы.
Аҩада-атлантикатәи алианс ахада игәаанагарала, џьаргьы ахаҳә иҭаԥҟаны ианымзаргьы алианс аиқәышаҳаҭрақәа ԥкыра роуам ҳәа, уи иаанагом иара аилаҳара.
"Иҟоуп аилибамкаарақәеи аимакқәеи алианс алахәылацәа рыбжьара ахәаахәҭра, аҳауа аԥсахра, аиадертә еиқәышаҳаҭра уҳәа рызҵаарақәа рганахь ала", — иҳәеит Столтенберг.
Иара алианс алахәылацәа ирабжьигеит НАТО акзаара аус адырулаларц.
Столтенберг ишиҳәо ала, ус шакәугьы Вашингтон аҵыхәтәантәи аамҭақәа рзы аҽышәарақәа мҩаԥнагоит Европа ашәарҭадаразы.
Лаҵарамзазы Трамп аҳәамҭа ҟаиҵеит Вашингтон аиадертә программазы Ирантәи аиқәшаҳаҭра ишалҵуа азы. Аиқәшаҳаҭра 2015 шықәса рзы Урыстәыла, Америка, Британиа, Китаи, Франциа, Германиа ирыбжьарҵеит.
2017 шықәса рашәарамзазы аҳауаз Парижтәи аиқәшаҳаҭра иалҵит.
2018 шықәса рашәарамза инаркны Евроеидгыла атәылақәа рҟынтәи аџыри алиуминии абаџь ақәнаҵеит.
