АҞӘА, рашәара 20 — Sputnik. Америка аџыри алиуминии абаџь ахьрықәырҵаз аҭакс Урыстәыла Американтәи Урыстәылаҟа иаарго аимпорт тауарқәак абаџь рықәнаҵеит ҳәа аанацҳауеит РИА Новости, Урыстәыла аекономикатә ҿиара аминистр Максим Орешкин иажәақәа ҵаҵӷәыс иганы.
"Америка аџыри алиуминии абаџь ахьрықәырҵаз аҭакс Урыстәыла Американтәи Урыстәылаҟа иаарго аимпорт тауарқәак абаџь рықәнаҵеит. Уи ҽыхьчаратә уснагӡатәуп. Урыстәыла ахы ианархәоит ВТО ала иамоу азинқәа, иагьаланагалоит аибакапанратә уснагӡатә" — иҳәеит иара.
Абаџьқәа рықәырҵоит Урыстәыла зеиԥш ҭырмыжьуа атауарқәа. Убри азы иара амакроекономикатә рбагақәа ирԥырхагам.
Лаҵарамза анҵәамҭазы Урыстәыла ВТО адырра анаҭеит американтәи иаарго атауарқәа аџыри алиуминии абаџь ахьрықәырҵаз аҭакс абаџь шрықәырҵо ала.
Хәажәкыра анҵәамҭазы Америка аџыр 25 процент абаџь ақәырҵеит, алиумини – 10 процентк. Дара ари амилаҭтә шәарҭадара иацхраауа шьаҿоуп ҳәа ахырҳәааит.
