АҞӘА, цәыббра 17 — Sputnik. Урыстәылеи Ҭырқәтәылеи реизыҟазаашьақәа акыр ишьахәны иҿиоит. Арахь иаҵанакуеит аилахәаахәҭра, жәларбжьаратәи аренаҿ ашәарҭадара, аха иҟоуп ауадаҩрақәа зҵоу азҵаарақәагьы иҳәеит Урыстәыла ахада Владимир Путин "Бочаров ручей" аҿы Реџьеп Таип Ердоган даниԥылоз. Абри атәы аанацҳауеит РИА Новости.
"ҳаизыҟазаашьақәа аԥеиԥш бзиа рыманы аҿиара иаҿуп. Арахь иаҵанакуеит аилахәаахәҭра, аекономикатә еимадарақәа, жәларбжьаратәи аренаҿ ашәарҭадара, аиҳаракгьы арегион аҿы. Азҵаарақәа акыр иҭбаауп, аха иҟоуп ауадаҩрақәа зцу азҵаарақәагьы. Сара агәахәара снаҭоит шәбара, агәаанагарақәа реимдара адагьы еиуеиԥшым азҵаарақәа рыӡбра аԥшааразгьы", — иҳәеит Путин.
Путини Ердогани реиԥылара мҩаԥысуеит Урыстәыла ахада иризиденциа "Бочаров ручей" аҿы. Аиԥылараҿы излацәажәо зҵаара хаданы иҟоуп шьамтәылатәи Идлиб аҟны аҭагылазаашьа.
