АҞӘА, жьҭаара 2— Sputnik. ГРУ уаанӡатәи аусзуҩ Сергеи Скрипаль агәра игом урыстәылаа ашҳам ирҭеит ҳәа аҳәоит РИА Новости агазеҭ The Guardian ажурналист Марк Урбан иажәақәа ҵаҵӷәыс иганы.
Арепортиор ҷыдала диҿцәажәеит ГРУ уаанӡатәи аусзуҩ Сергеи Скрипаль, ашәҟәы "Дело Скрипаля" аус анадиулоз.
Ажурналист иазгәеиҭеит Скрипаль Солсбери аҭыԥ змаз ахҭыс аҟынӡа еиуеиԥшым азҵаарақәа рзы Кремль апозициа дшадгылоз. Аиҳаракгьы иара Ҟрыми Урыстәылеи реидылара адгылара аиҭон.
Сергеи Скрипали иара иԥҳа Иулиеи ашҳамхәшәы рыҭан хәажәкыра 4 рзы, Солсбери. Лондон ахара Урыстәыла иаднаҵеит.
Москва изныкымкәа ажәалагала ҟанаҵеит аҭҵаарақәа ирылахәхарц аха уи зхьаԥшра аҭамызт.
