Аблоҭиа изанааҭ иазкны: сгәалаҟара шьҭызхуа ак акәны иҟоуп афильмқәа рҭыхра
"Сгәалаҟазаара шьҭызхуа акәны иҟоуп афильмқәа рҭыхра. Афильм ҭыхны саналгалак, сҭыԥшшаӡа саанхоит, еиҭа исҭаххоит, уи ачымазара бааԥс иаҩызоуп. Сара уахынлагьы аус зуеит, аҭыхра саҿызаргьы, адублиаж ҟасҵозаргьы, уахынлагьы убри сазхәыцуеит, схаҿы иаазгоит акадрқәа. Абыржәы ианҭысхуаз, афильм зегьы схаҿы еиқәыршәаны исыман. Абри абра иаҭыԥуп, абри абара иҟазароуп, абри абас иcҳәароуп ҳәа… Зегьы еиқәыршәаны, еихышәшәо ицарац иҟасҵахьан, ус ауп ишысдырҵаз. Ус иҟаумҵар, нас аҭыхра уаналагалак иуцәеилагоит, аамҭа рацәа агоит, уи анаҩс ахарџьгьы ианыԥшуеит", — ҳәа азгәеиҭеит Аблоҭиа.
