АҞӘА, абҵара 28 — Sputnik. Урыстәылатәи акино аҳәаақәа ирҭагӡаны Аҩадатәи Кореиа ауааԥсыра идырбахоит ҳаамҭазтәи урыстәылатәи арежиссиорцәа ркиносахьақәа. Абри атәы аанацҳауеит РИА Новости.
"Пхениан акинотеатрқәа руак, "Тэдонмун" аҟны ихацыркхеит урыстәылатәи акино арбара. Кореатәи ахәаԥшыҩцәа идырбахоит аҵыхәтәантәи аамҭақәа рзы еиҳа иналукааша акиносахьақәа: "Ледокол", "Салют-7", "Легенда №17". Иара убасгьы акиносахьақәа дырбахоит акинозалқәа: "Рагвон", "Тондэвон", "Тэдонмун" рҟны", — ҳәа аанацҳауеит амаҵзура.
Акино амчыбжь аартра ацеремониа иалахәын КНДР еицырдыруа аҟазареи арҿиареи русзуҩцәа, Адәныҟатәи аусқәа рминистрра ахаҭарнакцәа, акультуратә еимадарақәа Реилак.
Еизаз рҿаԥхьа иқәгылан ажәахә ҟарҵеит ареспублика акинемотографистцәа Русбарҭа хада аиҳабы Чон Ген Нами Урыстәыла Ацҳаражәҳәаҩ Александр Мацегореи.
Жьҭаарамзазы москватәи акинотеатр "Иллюзион" аҿы имҩаԥысит кореиатәи афильмқәа дырбара.
Ауснагӡатәқәа еиҿыркааит урыстәылатәи Госфильмофонди, КНДР акинемотографистцәа Русбарҭа хадеи, Пхениан иҟоу Урыстәыла Ацҳаражәҳәарҭеи.
