АҞӘА, жәабран 12 - Sputnik. Акәылӡтәы автомашьынақәа "Тигр-М" роуит Аԥсны игылоу Урыстәыла аладатәи арратә округ аҿы. Абри атәы аанацҳауеит аокруг апресс-маҵзура.
Зынӡа абазахь иаагоуп автомашьынақәа жәаба. ГАЗ амарка иатәу амашинақәа "Тигр-М" аԥшыхәра амҩаԥгара, аишьҭагылақәа рымҩаԥгара, арҟәшақәа рхысра адгылара ирзырхоуп. Руак акапан 6,5 тонна иҟоуп, сааҭк ала 120 километр иахысыр алшоит.
"Тигрқәа" абаллистикатә хьчара ахәбатәи аҩаӡара рымоуп. Амашьынақәа зегьы аимадара асистемала еиҿкаауп, амцакраан ахала ицәо иҟаҵоуп, ахыб аҿы апулемиотқәа "Корд", "Печенег" ма агранатаршәга АГС-17 "Пламя" рықәыргылара ауеит.
Уаанӡатәи адыррақәа рыла, аокругахь иааган арадиолокациатә станциақәа "Соболятник". Арратә округ бџьар ҿыцла аиқәыршәара мҩаԥысуеит аокруг аплан инақәыршәаны.
