Қьецба: амимозашәҭ аҳәаа ахыгаразы ԥынгыла ыҟам
"Иахьа хәажәкыра 5 рзы 160 тонна амимоза ыиаргахьеит. Сынтәа иаҳа заа аидкылара иалагеит, аԥхарра иахҟьаны иблызгьы ашәҭ рацәоуп. Ҵыԥх иаҿурԥшуазар, сынтәа иахыргаз акыр еиҳауп. Напыла 5 инаркны 120 кьыла рҟынӡа ииаргоит, ашәҭ аиагараҟны аҳәааҿы ԥынгыла ыҟам. Аԥсуаа ҳганахьала ииарго амимоза кьыла цыԥхьаӡа 3 мааҭк ашәахтә ақәуп, акарантин аганахьала ақьаад 150 мааҭ ахыршәаауеит. Излаҳбо ала, кьылала сынтәа ииазго иаҳа ирацәаҩуп. Ахә атәы ҳҳәозар, иахьазы ҳара ҳганахьала 100-120 мааҭ рҟынӡа инеиуеит, аурысцәа рганахьала - 250-300 мааҭ рҟынӡа", - иҳәеит Қьецба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҟны.
