"Аиқәшәара иалахәын жәларбжьаратәи аекспертцәа, егьырҭ аҳәынҭқаррақәа рҿы ахәаҷа-маҷақәа ирҿагыланы ақәԥара мҩаԥызгоз, дара рԥышәа атәы еиҭарҳәеит. Жәеиза шықәса имҩаԥыргоз аусурақәа ирылҵшәаны ирылдыршеит ачымазарақәа риаара. Дара русура шышьақәгылаз еиҭарҳәеит. Иџьоушьаша иаразнак аҵиаақәа рыхәшәтәрахь имыиасит. Аԥхьа дара ирымоу аҵиаақәа аҭҵаара иалагеит, гәыԥ–гәыԥла еихыршеит, еиқәдыршәеит ахсаала, уи иалыршаны иҟоу аҭагылазаашьа еилыркааит. Ажәлар рҟнытә аусура зҭахыз еизырган, иддырҵеит ахәаҷа-маҷа шыԥшаатәу, уи шаԥыхтәу. Аспециалистцәа иазгәарҭон ари асураҿы ишыхадоу лассы-лассы агәҭарақәа рымҩаԥгара. Ахәшәтәра ахымыццыкра аҭахуп", - ҳәа еиҭалҳәеит Кәарцхьиаԥҳа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
