АҞӘА, мшаԥы 25 - Sputnik. Агәабзиарахьчаразы адунеизегьтәи аиҿкаара хәышықәса рҟынӡа зхыҵуа ахәыҷқәа рзы, урҭ рцәа-ржьы аҽеиҭанамкразы, рыкапан иацымларазы абжьагарақәа азнархиеит ҳәа аанацҳауеит РИА Новости.
ВОЗ аекспертцәа ргәаанагарала 5 рҟынӡа зхыҵуа ахәыҷқәа ианеиҵаха мышкы х-сааҭк активла ихәмаруазароуп, бжьаратәла 14 сааҭ ицәозароуп, сааҭк еиҳамзароуп амультфильмқәа рыхәаԥшра аамҭа.
Шықәсык рҟынӡа зхыҵуа
Ҿыц иизи шықәсык иҭымсыци ахәыҷқәа 12 - 17 сааҭ ицәозароуп. 1 - 2 шықәса зхыҵуа 3 сааҭк рҟынӡа ахәмарра иазыркроуп раамҭа, ацәаразы ирызхоит 11 -14 сааҭ. Шықәсык зхыҵуа рзы ателербагеи акомпиутори зынӡа ихәарҭаны ишьаӡам. Ҩышықәс азхыҵуа рзы сааҭк азхоит итәаны амультфильмқәа рыхәаԥшразы.
3 – 4 шықәса зхыҵуа ахәыҷқәа
3 - 4 шықәса зхыҵуа ахәыҷқәа активла ихәмаруа раамҭа рхыргароуп хԥаҟа сааҭ рҟынӡа, рыцәара аамҭа 11-13 сааҭ еиҵамзароуп.
ВОЗ аҿы иазгәарҭоит ахәыҷқәа активла раамҭа ахьырхырымго ргәабзиара аруашәшәыроит ҳәа. Аҵыхәтәантәи 40 шықәса зыкапан анорма иахысыз ауааԥсыра рхыԥхьаӡара 120 миллион рҟынӡа инаӡеит.
